| e-texts navigator |
| Wylie |
189a1 འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་སྣང་བ་མེད་པ་དང་། ཀུན་ཏུ་སྣང་བ་དང་། དེ་ལ་གནས་པ་དང་། དེ་ལ་འཇུག་པའི་ཆོས་ཡང
189a2 དག་པ་ཇི་ལྟ་བ་བཞིན་དུ་རབ་ཏུ་ཤེས་ན། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱའོ།། ཆོས་གང་སྣང་བ་མེད་པ་དང་། ཀུན་ཏུ་སྣང་བ་ཉིད་དང་ནི།།
189a3 དེ་ལ་གནས་དང་རབ་འཇུག་པ། དེ་ཤེས་ནས་ནི་བྱང་ཆུབ་ཐོབ།། རབ་འབྱོར་བྱང་ཆུབ་སེམས་དཔའ་གཟུགས་ལ་གཟུགས་ཡོངས་སུ་ཚོལ་བ་ན། དེ་མི་དམིགས་ཏེ། གཟུགས་སུ་མི་སྣང་བར
189a4 བྱས་ཤིང་། གཟུགས་ཀྱི་ཆོས་ཉིད་ཀྱང་རབ་ཏུ་རྟོགས་པར་བྱས་ནས། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱའོ།། རབ་འབྱོར་བྱང་ཆུབ་སེམས་དཔའ
189a5 ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་རྣམ་པར་ཤེས་པ་ཡོངས་སུ་ཚོལ་བ་ན། དེ་མི་དམིགས་ཏེ། རྣམ་པར་ཤེས་པ་མི་སྣང་བར་བྱས་ཤིང
189a6 རྣམ་པར་ཤེས་པའི་ཆོས་ཉིད་ཀྱང་རབ་ཏུ་རྟོགས་པར་བྱས་ནས། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱའོ།། རབ་ཏུ་རྩལ་ནས་མི་དམིགས་ཆོས།།
189a7 སེམས་ལ་དངོས་པོར་མི་སྣང་བ།། ཆོས་ཉིད་ལེགས་པར་ཤེས་པ་ཡི།། བློ་ལྡན་བྱང་ཆུབ་ཐོབ་པར་འགྱུར།། རབ་འབྱོར་བྱང་ཆུབ་སེམས་དཔའ་གཟུགས་ལ་དངོས་པོ་མེད་པར་མཁས་པ་ནི། གཟུགས
iiif viewer powered by OpenSeadragon
