| e-texts navigator |
| Wylie |
186a1 རྒྱས་ཀྱི་ཐེག་པས་ཀྱང་ངེས་པར་འབྱུང་བར་མི་འགྱུར་ན། ཐེག་པ་ཆེན་པོས་ལྟ་སྨོས་ཀྱང་ཅི་དགོས། རབ་འབྱོར་གང་གཟུགས་ལ་ཡང་དག་པ་མ་ཡིན་པ་ཀུན་བཏགས་པ་ཙམ་དང་།
186a2 འཁྲུལ་པ་ཙམ་དུ་ཡང་དག་པར་རྗེས་སུ་མཐོང་བ་སྟེ། གཟུགས་ལ་གཟུགས་སུ་མི་དམིགས་སོ།། གང་གཟུགས་ལ་གཟུགས་སུ་མི་དམིགས་པ་ན། གཟུགས་ལ་གཟུགས་སུ་ལྟ་བར་མི་དམིགས་སོ།།
186a3 གང་གཟུགས་ལ་གཟུགས་སུ་ལྟ་བར་མི་དམིགས་པ་དེ། གང་གཟུགས་ལ་ཐམས་ཅད་མི་དམིགས་སོ།། གང་གཟུགས་ལ་ཐམས་ཅད་མི་དམིགས་པ་ན། ཐམས་ཅད་དམིགས་པ་དེའི་དམིགས་པ
186a4 དེ་ཡོངས་སུ་གྲུབ་པ་ཡིན་ནོ། ། དེ་མི་དམིགས་པ་དེ་ལ་གནས་ན། ཐེག་པ་ཆེན་པོས་ཀྱང་ངེས་པར་འབྱུང་བར་འགྱུར་ན། ཉན་ཐོས་ཀྱི་ཐེག་པ་འམ། རང་སངས་རྒྱས་ཀྱི་ཐེག་པས་ལྟ་སྨོས་ཀྱང་ཅི
186a5 དགོས། རབ་འབྱོར་གང་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་ཡང་དག་པ་མ་ཡིན་པ་ཀུན་ཏུ་བཏགས་པ་ཙམ་དང་། འཁྲུལ་པ་ཙམ་དུ་ཡང་དག
186a6 བར་རྗེས་སུ་མཐོང་བ་སྟེ། རྣམ་པར་ཤེས་པ་ལ་རྣམ་པར་ཤེས་པར་མི་དམིགས་སོ།། གང་རྣམ་པར་ཤེས་པ་ལ་རྣམ་པར་ཤེས་པར་མི་དམིགས་པ་ན། རྣམ་པར་ཤེས་པ་ལ་རྣམ་པར་ཤེས་པར་བྱ
186a7 བར་མི་དམིགས་སོ། ། གང་རྣམ་པར་ཤེས་པ་ལ་རྣམ་པར་ཤེས་པར་ལྟ་བར་མི་དམིགས་པ་དེ། རྣམ་པར་ཤེས་པ་ལ་ཐམས་ཅད་དམིགས་སོ།། གང་རྣམ་པར་ཤེས་པ་ལ་ཐམས་ཅད་མི་དམིགས་པ་ན།
iiif viewer powered by OpenSeadragon
