| e-texts navigator |
| Wylie |
181a1 ལུས་དང་། རེག་བྱ་རྣམས་དང་། ལུས་ཀྱི་རྣམ་པར་ཤེས་པ་དང་། ཡིད་དང་། ཆོས་རྣམས་དང་། ཡིད་ཀྱི་རྣམ་པར་ཤེས་པ་དངོས་པོ་མེང་པ་དང
181a2 དངོས་པོ་ངན་པ་དང་། དངོས་པོ་ཡོད་པ་དེ་ལྟར་ཡིད་ཀྱི་རྣམ་པར་ཤེས་པ་དེ་ལེའུ་གསུམ་དུ་བྱིས་པ་སོ་སོའི་སྐྱེ་བོ་རྣམས་ཀྱིས་ཡང་དག་པ་ཇི་ལྟ་བ་བཞིན་དུ་རབ་ཏུ་མི་ཤེས་པས། རྣམ་པར་ཤེས་པ
181a3 དེ་ལ་མངོན་པར་བསྟོད་། ། མངོན་པར་སྒྲུབ་བོ།། སྒྲིབ་པར་བྱེད་དོ།། དེ་དག་རྣམ་པར་ཤེས་པ་དེ་ལ་མངོན་པར་ཞེན་ཅིང་མངོན་པར་སྒྲུབ་པ་སྟེ་སྒྲིབ་པར་བྱེད་པས། ཉན་ཐོས་ཀྱི་ཐེག་པ
181a4 འམ། སངས་རྒྱས་ཀྱི་ཐེག་པས་ཀྱང་ངེས་པར་འབྱུང་བར་མི་འགྱུར་ན། ཐེག་པ་ཆེན་པོས་ལྟ་སྨོས་ཀྱང་ཅི་དགོས་དེ་ལྟར་མངོན་པར་ཞེན་ཅིང་མངོན་པར་སྒྲུབ་སྟེ་སྒྲིབ་པར་བྱེད་པས།
181a5 འདི་ལྟ་སྟེ། སེམས་ཅན་དམྱལ་བ་རྣམས་དང་། དུད་འགྲོ་དང་ཡི་དགས་རྣམས་དང་། ལྷ་དང་མི་རྣམས་ཀྱི་ནང་དུ་ཡུན་རིང་པོར་རྒ་ཤི་མྱོང་ངོ་།། མཁས་པ་རྣམས་ཀྱི་ནི་གཟུགས་དེ་དེ་ལྟར
181a6 ལེའུ་གསུམ་དུ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པས། མངོན་པར་ཞེན་པར་མི་བྱེད་ཅིང་། མངོན་པར་སྒྲུབ་པར་མི་བྱེད་ཀྱི། གསལ་བར་བྱེད་དོ།། མངོན་པར་ཞེན་པར་མི་བྱེད་ཅིང་།
181a7 མངོན་པར་སྒྲུབ་པར་མི་བྱེད་ཀྱི། གསལ་བར་བྱེད་པས། ཐེག་པ་ཆེན་པོས་ཀྱང་ངེས་པར་འབྱུང་བར་འགྱུར་ན། ཉན་ཐོས་ཀྱི་ཐེག་པ་འམ། རང་སངས་རྒྱས་ཀྱི་ཐེག་པས་ལྟ་སྨོས་ཀྱང་ཅི
iiif viewer powered by OpenSeadragon
