| e-texts navigator |
| Wylie |
178b1 དེའི་ཚེ་ལྷའི་དབང་པོ་བརྒྱ་བྱིན་དང་། སུམ་ཅུ་རྩ་གསུམ་པའི་ལྷའི་བུ་རྣམས་ཀྱིས་ལྷའི་ཙན་དན་གྱི་ཕྱེ་མ་དང་། ལྷའི་གསེར་གྱི་ཕྱེ་མ་དང་། ལྷའི་མེ་ཏོག་མན་ད་ར་བ་དང་། མན་ད་ར་བ་ཆེན
178b2 པོ་དང་། ལྷའི་སྤོས་དང་། ལྷའི་ཨུཏྤ་ལ་དང་། ཀུ་མུ་ད་དང་། པདྨ་དཀར་པོ་དང་། ལྷའི་རོལ་མོའི་སྒྲ་དག་གིས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལའང་མཆོད་ཅིང་། བཅོམ
178b3 ལྡན་འདས་དང་། འཇམ་དཔལ་གཞོན་ནུར་གྱུར་པ་ལའང་གཏོར། མངོན་པར་གཏོར་ནས་འདི་སྐད་ཅེས་དགེ་བའི་རྩ་བ་འདིས་གང་དག་ཕྱག་རྒྱ་འདིས་བཏབ་པ་དེ་དག་གིས་བླ་ན་མེད་པའི་ཆོས་རིན་པོ
178b4 རོརེའདི་མཆོད་པ་དང་། ཕྱི་ཕྱིར་ཞིང་ཐོས་པར་གྱུར་ཅིག་ཅེས་སྨྲས་སོ།། ལྷའི་དབང་པོ་བརྒྱ་བྱིན་གྱིས་ཀྱང་ཚིག་འདི་སྐད་ཅེས་སྨྲས་སོ།། བཅོམ་ལྡན་འདས་བདག་གིས་ཀྱང་མ་བྱུང་བ་དང་།
178b5 མ་སྐྱེས་པའི་བར་གྱི་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་འཛམ་བུའི་གླིང་འདིར་སྤྱོད་པར་འགྱུར་བ་དང་། རིགས་ཀྱི་བུ་འམ། རིགས་ཀྱི་བུ་མོ་དེ་འདྲ་བ་དག་གི་རྣ་ལམ་དུ་ཟག་པར་འགྱུར་བ་ནས
178b6 དེ་དག་ཉིད་སངས་རྒྱས་ཀྱི་ཆོས་ཐམས་ཅད་ཡོངས་སུ་བསྒྲུབ་པར་འགྱུར་བར་བགྱིད་པའི་བར་གྱི་སླད་དུ་བརྩོན་པར་བགྱིའོ། ། བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ་འདི་རིགས་ཀྱི་བུ་འམ
178b7 རིགས་ཀྱི་བུ་མོ་གང་དག་གི་རྣ་ལམ་དུ་ཚེགས་ཆུང་ངུས་གྲགས་ལ། ཐོས་ནས་ཀྱང་མོས་པ་དང་། མོས་ནས་ཀྱང་འཛིན་པ་དང་། ཀུན་ཆུབ་པར་བགྱིད་པ་དང་། འཆང་བའི་བར་དུ་བགྱིས
iiif viewer powered by OpenSeadragon
