| e-texts navigator |
| Wylie |
177a1 པར་བྱའོ། ། དེ་ཅིའི་ཕྱིར་ཞེ་ན། ཏིང་ངེ་འཛིན་དེ་དག་བྱས་པ་མ་ཡིན་པའི་ཕྱིར་རོ།། རྣམ་པ་ཐམས་ཅད་ཀྱི་མཆོག་དང་ལྡན་པའི་ཐམས་ཅད་མཁྱེན་པའི་ཡེ་ཤེས
177a2 ཀྱི་བར་དུ་བསྒྲུབ་པར་འདོད་པའི་རིགས་ཀྱི་བུ་འམ། རིགས་ཀྱི་བུ་མོས་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་ལ་དངོས་པོ་མེད་པའི་ཚུལ་གྱིས་བསླབ་པར་བྱའོ།། དེ་ཅིའི་ཕྱིར་ཞེ་ན། འདི
177a3 པར་རྣམ་པ་ཐམས་ཅད་ཀྱི་མཆོག་དང་ལྡན་པའི་ཐམས་ཅད་མཁྱེན་པའི་ཡེ་ཤེས་ཀྱི་བར་དུ་བྱས་པ་མ་ཡིན་པ་དང་། མ་སྐྱེས་པ་དང་། དངོས་པོ་མེད་པའི་ཕྱིར་རོ།། ཆོས་ཐམས་ཅད་ནི་ངེས
177a4 པར་འབྱུང་བ་དང་བཅས་པ་སྟེ། གང་ངེས་པར་མི་འབྱུང་བའི་ཆོས་དེ་གང་ཡང་མེད་དོ་ཞེས་དེ་ལྟར་ཤེས་པར་འདོད་པའི་རིགས་ཀྱི་བུ་འམ། རིགས་ཀྱི་བུ་མོས་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ
177a5 འདི་ཉིད་ལ་དངོས་པོ་མེད་པའི་བར་གྱི་ཚུལ་གྱིས་བསྒྲུབ་པར་བྱའོ། ། ཆོས་ཐམས་ཅད་ནི་ངེས་པར་མི་འབྱུང་བསྟེ། གང་ངེས་པར་འབྱུང་བ་དང་བཅས་པའི་ཆོས་དེ་དག་གང་ཡང་མེད་དོ།། དེ
177a6 ཅིའི་ཕྱིར་ཞེ་ན། ཆོས་ཐམས་ཅད་མ་སྐྱེས་པའི་ཕྱིར་རོ།། ཆོས་དེ་དག་ནི་ཇི་ལྟར་བརྗོད་པ་དེ་ལྟར་ཡོད་པ་མ་ཡིན་ཏེ། བརྗོད་དུ་མེད་པ་ནི་ཡོད་པ་མ་ཡིན་ཞིང་དམིགས་སུ་མེད་དོ་ཞེས
177a7 དེ་ལྟར་ཤེས་པར་འདོད་པའི་རིགས་ཀྱི་བུ་འམ། རིགས་ཀྱི་བུ་མོས་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་ལ་དངོས་པོ་མེད་པའི་བར་གྱི་ཚུལ་གྱིས་བསླབ་པར་བྱའོ།། སེམས་ཅན་ཐམས
iiif viewer powered by OpenSeadragon
