| e-texts navigator |
| Wylie |
176a1 དེའི་ཕྱིར་འདི་ལྟ་སྟེ། དཔེར་ན་ནམ་མཁའ་ལ་བྱའི་རྗེས་ལྟ་བུར་གནས་པར་གྱིས་ཤིག། དེ་ལྟ་བུས་ཆོས་བསྟན་པ་འདི་མཉན་པར་ནུས་སོ།། ཀྱེ་སྐྱེས་བུ་གལ་ཏེ
176a2 ཁྱོད་ཀྱིས་ཆོས་བསྟན་པ་འདི་མཉན་པར་འདོད་ན། དེའི་ཕྱིར་གཉིས་ལ་མ་དམིགས་ཤིག། མི་གཉིས་པ་ལའང་མ་དམིགས་ཤིག། དེ་ཅིའི་ཕྱིར་ཞེ་ན། འདི་ལ་གཉིས་སུ་བརྗོད་པར་བྱ
176a3 བ་ཡོངས་སུ་བརྗོད་པ་འམ། མི་གཉིས་པར་བརྗོད་པར་བྱ་བ་གང་ཡང་མེད་པའི་ཕྱིར་རོ།། གལ་ཏེ་ཆོས་བསྟན་པ་འདི་མཉན་པར་འདོད་ན། བདག་ཏུ་འདུ་ཤེས་རྣམས་ཀྱང་མ་དམིགས་ཤིག།
176a4 ལྟལྔ་བར་གྱུར་པ་རྣམས་ལས་ཀྱང་མ་འདའ་ཞིག། སངས་རྒྱས་ཀྱི་ཆོས་རྣམས་ལའང་ལྷག་པར་མ་དམིགས་ཤིག། སོ་སོའི་སྐྱེ་བོའི་ཆོས་རྣམས་ལས་ཀྱང་མ་སྤྱོད་ཅིག་ཅེས་བརྗོད་པར་བགྱིའོ།།
176a5 བཅོམ་ལྡན་འདས་གང་ཞིག་བདག་ལ་ཉན་པར་འཚལ་ཏེ་འདྲི་ན། དེ་ལ་བདག་གིས་དེ་སྐད་བརྗོད་པར་བགྱིའོ།། དེ་སྐད་རྗེས་སུ་བསྟན་པར་བགྱིའོ།། དེ་ལྟར་འདི་ལ་གཞག་པར་བགྱིའོ།།
176a6 གལ་ཏེ་འདྲི་བའི་རིགས་ཀྱི་བུ་འམ། རིགས་ཀྱི་བུ་མོ་དེ་ལྟར་གནས་ཤིང་། དེ་ལྟར་བཞུགས་ན། སྤོབས་པའི་ཕྱག་རྒྱ་འདི་ལ་གནས་པ་དེ་ལ་སླད་ཀྱིས། ཤེས་རབ་ཀྱི་ཕ་རོལ་ཏུ་ཕྱིན་པ
176a7 མ་སྐྱེས་པ་དང་། དངོས་པོ་མ་མཆིས་པ་དང་། མ་བྱུང་བའི་བར་འདི་བསྟན་པར་བགྱིའོ།། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། འཇམ་དཔལ་གཞོན་ནུར་གྱུར་པ
iiif viewer powered by OpenSeadragon
