| e-texts navigator |
| Wylie |
172b1 རིན་པོ་ཆེ་དེ་རིན་ཐང་མེད་དེ། དེས་ཇི་ལྟ་ཇི་ལྟར་ནོར་བུ་རིན་པོ་ཆེ་དེའི་ཕྱི་བདར་བྱས་པ་དེ་ལྟ་དེ་ལྟར་ནོར་བུ་རིན་པོ་ཆེ་དེའི་ཡོན་ཏན་མཐོང་བར་འགྱུར་བ་དེ་བཞིན་དུ། འཇམ་དཔལ་གང་དག་གང
172b2 གི་ཚེ་རིགས་ཀྱི་བུ་འམ། རིགས་ཀྱི་བུ་མོ་དེ་ཏིང་ངེ་འཛིན་ལ་མཉམ་པར་འཇོག་པ་དང་། འཇོག་པ་དེ་དང་དེའི་ཚེ་ཏིང་ངེ་འཛིན་དེའི་ཡོན་ཏན་མཐོང་བར་འགྱུར་རོ།། འཇམ་དཔལ།
172b3 འདི་ལྟ་སྟེ། དཔེར་ན་ཉི་མའི་དཀྱིལ་འཁོར་གྱི་འོད་ཟེར་དག་གིས་དཀྱིལ་འཁོར་གྱི་མཐའ་གར་ཡང་མ་ཁྱབ་པ་མེད་དོ།། འཇམ་དཔལ་དེ་བཞིན་དུ་བཀོད་པ་གཅིག་པའི་ཏིང་ངེ་འཛིན་འདི
172b4 ཐོབ་ཅིང་ཞུགས་ནས་རྙེད་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པ་སྟོན་པ་མ་ཡིན་པའི་ཆོས་གང་ཡང་མི་སྟོན་ཏོ།། གང་ལ་ལས་འདི་བཞིན་དུ་ཤེས་ན། དེས་སྐྱེ་བ་མེད་པ་དང་འགལ་བའི
172b5 ཆོས་གང་ཡང་མི་མཐོང་ངོ་། ། འཇམ་དཔལ། འདི་ལྟ་སྟེ། དཔེར་ན་རྒྱ་མཚོ་ཆེན་པོའི་ཕྱོགས་བཞི་ནས་སྐྱེས་བུ་བཞི་ཆུ་འཆུ་ན། དེ་ཐམས་ཅད་འདི་ལྟ་སྟེ། ལན་ཚྭའི་རོར་རོ།
172b6 གཅིག་པ་ཉིད་དུ་འཆུ་ཞིང་ལེན་ཏོ།། འཇམ་དཔལ་དེ་བཞིན་དུ་ངས་ཆོས་གང་ཅི་བསྟན་པ་དེ་དག་ཐམས་ཅད་ནི། འདི་ལྟ་སྟེ། སྐྱེ་བ་མེད་པའི་རོ་དང་། དངོས་པོ་མེད་པའི་རོ་དང་།
172b7 འདོད་ཆགས་དང་བྲལ་བའི་རོ་དང་། རྣམ་པར་གྲོལ་བའི་རོ་དང་། འགོག་པའི་རོར་རོ་གཅིག་པའོ།། འཇམ་དཔལ་དེ་ལྟ་བས་ན་རིགས་ཀྱི་བུ་འམ། རིགས་ཀྱི་བུ་མོ་ཏིང་ངེ་འཛིན
iiif viewer powered by OpenSeadragon
