| e-texts navigator |
| Wylie |
142b1 འམ་འབྲི་བར་འགྱུར། འཇམ་དཔལ་གྱིས་གསོལ་པ། བཅོམ་ལྡན་འདས་དེའི་ཚེ། བདག་གི་དགེ་བའི་རྩ་བ་འཕེལ་བ་འམ། འབྲི་བར་འགྱུར་བ་ཅིའང་མ་མཆིས་སོ།། བཅོམ
142b2 ལྡན་འདས་གང་ལ་ཆོས་འགའ་ཞིག་འཕེལ་བ་འམ། འགྲིབ་པ་མཆིས་ན། དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་སྒོམ་པ་མ་ལགས་ཏེ། བཅོམ་ལྡན་འདས་གང་ཆོས་གང་ཡང་ཆོས
142b3 འགའ་ཞིག་འཕེལ་བའི་སླད་དུ་འམ། འབྲི་བའི་སླད་དུ་ཉེ་བར་གནས་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་སྒོམ་པ་མ་ལགས་པར་རིག་པར་བགྱིའོ།། བཅོམ་ལྡན་འདས་གང་སོ་སོའི
142b4 སྐྱེ་བོའི་ཆོས་རྣམས་ཀྱང་མི་སྤོང་ལ། སངས་རྒྱས་ཀྱི་ཆོས་རྣམས་ཀྱང་མི་ལེན་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྒོམ་པ་ལགས་སོ།། དེ་ཅིའི་སླད་དུ་ཞེ་ན། བཅོམ་ལྡན་འདས་འདི
142b5 ལྷར་ཤེས་རབ་ཀྱི་ཕ་རོལ་ཏུ་ཕྱིན་པ་སྒོམ་པ་ནི། ཆོས་གང་སྤང་བ་འམ། བླང་བར་དམིགས་པས་ཆོས་གང་ལའང་མི་གནས་པའི་སླད་དུའོ།། བཅོམ་ལྡན་འདས་ལ་གང་འཁོར་བའི་སྐྱོན་དུའང་མི་མཆི
142b6 ལམྱ་ངན་ལས་འདས་པའི་ཡོན་ཏན་དུའང་མི་མཆི་བ་དེ། ཤེས་རབ་ཀྱི་ཕ་རོལ་ཏུ་ཕྱིན་པ་སྒོམ་པ་ལགས་སོ།། དེ་ཅིའི་སླད་དུ་ཞེ་ན། བཅོམ་ལྡན་འདས་འདི་ལྟར་འཁོར་བ་ཉིད་ཀྱང་མི་མཐོང་ན། འཁོར
142b7 བའི་སྐྱོན་ལྟ་སྨོས་ཀྱང་ཅི་འཚལ། མྱ་ངན་ལས་འདས་པ་ཉིད་ཀྱང་མི་དམིགས་ན། མྱ་ངན་ལས་འདས་པའི་ཡོན་ཏན་ལྟ་སྨོས་ཀྱང་ཅི་འཚལ་ཏེ། བཅོམ་ལྡན་འདས་གང་ཆོས་གང་ལའང་བླང་བའམ། གཟུང་བ་འམ། དོར་བ
iiif viewer powered by OpenSeadragon
