| e-texts navigator |
| Wylie |
141a1 ཞེན་པ་གང་ཡང་མེད་དོ། ། བཙུན་པ་ཤཱ་ར་དྭ་ཏིའི་བུ་གོ་ཆ་དེ་ནི་ཇི་ལྟར་བདག་གིས་སེམས་ཅན་གྱི་ཁམས་བྲི་བ་འམ། གང་བར་བྱ་ཞེས་དེ་ལྟར་མ་བགོས་སོ།། བཙུན་པ
141a2 ཤཱ་ར་དྭ་ཏིའི་བུ་ཡོངས་སུ་བརྟག་པ་ཉེ་བར་བཟུང་སྟེ། གལ་ཏེ་སངས་རྒྱས་ཀྱི་ཞིང་རེ་རེ་ན་གངྒཱའི་ཀླུང་གི་བྱེ་མ་སྙེད་ཀྱི་སངས་རྒྱས་བཅོམ་ལྡན་འདས་རྣམས་བཞུགས་ཤིང་། དེ་བཞིན་གཤེགས་པ་དེ
141a3 དངག་སོ་སོ་ནས་ཉིན་མཚན་དུ་ཆོས་སྟོན་ཏེ། གངྒཱའི་ཀླུང་གི་བྱེ་མ་སྙེད་ཀྱི་བསྐལ་པར་བཞུགས་པར་གྱུར་ལ། གངྒཱའི་ཀླུང་གི་བྱེ་མ་སྙེད་ཀྱི་སངས་རྒྱས་བཅོམ་ལྡན་འདས་རྣམས་ཀྱི་ཆོས་བསྟན་པ་རེ་རེས
141a4 སེམས་ཅན་ཇི་སྙེད་བཏུལ་བ་དེ་སྙེད་ཀྱི་སེམས་ཅན། དེ་བཞིན་གཤེགས་པ་རེ་རེས་ཆོས་བསྟན་པ་རེ་རེས་བཏུལ་བར་གྱུར་ཏུ་ཟིན་ཀྱང་། སེམས་ཅན་གྱི་ཁམས་ལ་བྲི་བ་འམ། གང་བར་མངོན་པ
141a5 མེད་དོ། ། དེ་ཅིའི་ཕྱིར་ཞེ་ན། སེམས་ཅན་དབེན་པ་དང་། སེམས་ཅན་སེམས་ཅན་མ་ཡིན་པའི་ཕྱིར་ཏེ། བཙུན་པ་ཤཱ་ར་དྭ་ཏིའི་བུ་སེམས་ཅན་གྱི་ཁམས་ནི་བྲི་བ་འམ། གང་བར་མི་མངོན་མོ།།
141a6 དེ་སྐད་ཅེས་སྨྲས་པ་དང་། ཚེ་དང་ལྡན་པ་ཤཱ་ར་དྭ་ཏིའི་བུས། འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ།། འཇམ་དཔལ་གལ་ཏེ་སེམས་ཅན་དབེན་པ་དང་། སེམས་ཅན
141a7 སེམས་ཅན་མ་ཡིན་པའི་སེམས་ཅན་གྱི་ཁམ་འབྲི་བ་འམ། གང་བར་མི་མངོན་ན། འོ་ན་བྱང་ཆུབ་མངོན་པར་རྫོགས་པར་སངས་རྒྱས་ནས་སུ་ལ་ཆོས་སྟོན། དེ་སྐད་ཅེས་སྨྲས་པ་དང་། འཇམ
iiif viewer powered by OpenSeadragon
