| e-texts navigator |
| Wylie |
140a1 བར་བགྱིའོ། ། དེ་བཞིན་ཉིད་ལ་ཀུན་ནས་འབྱུང་བ་མ་མཆིས་ཏེ། དེ་ལྟར་དེ་བཞིན་གཤེགས་པ་ལ་བལྟ་བར་བགྱིའོ།། དེ་བཞིན་ཉིད་ནི་འབྱུང་བའང་མ་ལགས།
140a2 འཇིག་པའང་མ་ལགས་ཏེ། དེ་ལྟར་དེ་བཞིན་གཤེགས་པ་ལ་བལྟ་བར་བགྱིའོ།། དེ་བཞིན་ཉིད་ནི་ཡུལ་ན་མི་གནས། ཕྱོགས་ན་མི་གནས་ཏེ། དེ་ལྟར་དེ་བཞིན་གཤེགས་པ
140a3 ལ་བལྟ་བར་བགྱིའོ། ། དེ་བཞིན་ཉིད་ནི་འདས་པ་མ་ལགས། མ་འོངས་པ་མ་ལགས། ད་ལྟར་བྱུང་བ་མ་ལགས་ཏེ། དེ་ལྟར་དེ་བཞིན་གཤེགས་པ་ལ་བལྟ་བར་བགྱིའོ།།
140a4 དེ་བཞིན་ཉིད་ནི་གཉིས་ཀྱིས་རབ་ཏུ་ཕྱེ་བ་མ་ལགས། གཉིས་སུ་མ་མཆིས་པས་རབ་ཏུ་ཕྱེ་བའང་མ་ལགས་ཏེ། དེ་ལྟར་དེ་བཞིན་གཤེགས་པ་ལ་དེ་བཞིན་ཉིད་ནི་ཀུན་ནས་ཉོན་མོངས
140a5 པར་འགྱུར་བ་མ་ལགས། རྣམ་པར་བྱང་བར་འགྱུར་བ་མ་ལགས་ཏེ། དེ་ལྟར་དེ་བཞིན་གཤེགས་པ་ལ་བལྟ་བར་བགྱིའོ།། དེ་བཞིན་ཉིད་ནི་མི་སྐྱེ་མི་འགག་སྟེ། དེ་ལྟར་དེ་བཞིན
140a6 གཤེགས་པ་ལ་བལྟ་བར་བགྱིའོ། ། དེ་ལྟར་ན་དེ་བཞིན་གཤེགས་པ་མཐོང་བ་དང་། ཕྱག་བགྱིས་པ་དང་། བསྙེན་བཀུར་བགྱིས་པར་འགྱུར་རོ།། དེ་སྐད་ཅེས་གསོལ་པ་དང་།
140a7 བཅོམ་ལྡན་འདས་ཀྱིས། འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་བཀའ་སྩལ་ཏོ།། འཇམ་དཔལ་ཁྱོད་ཀྱིས་དེ་ལྟར་བལྟས་ན་ཅི་ཞིག་མཐོང་། འཇམ་དཔལ་གྱིས
iiif viewer powered by OpenSeadragon
