| e-texts navigator |
| Wylie |
139b1 ལ་བ་དེར་མཆིས་ནས། ཕྱོགས་གཅིག་ཏུ་མཆིས་སོ།། དེ་ཅིའི་སླད་དུ་ཞེ་ན། བཅོམ་ལྡན་འདས་འདི་ལྟར་བདག་ནི། དེ་བཞིན་གཤེགས་པ་ལ་བལྟ་བ་དང་། ཕྱག་བགྱི་བ་དང་།
139b2 བསྙེན་བཀུར་བགྱི་བས་མ་འོངས་པའི་སླད་དུའོ།། བཅོམ་ལྡན་འདས་འདི་ལྟར་བདག། དེ་བཞིན་གཤེགས་པ་བལྟ་བ་དང་། ཕྱག་བགྱི་བ་དང་། བསྙེན་བཀུར་བགྱི་བའི་སླད་དུ་མཆི་བ་དེའང་། སེམས་ཅན
139b3 ཐམས་ཅད་ཀྱི་དོན་གྱི་སླད་དུ་སྟེ། བཅོམ་ལྡན་འདས་གལ་ཏེ་དེ་བཞིན་གཤེགས་པ་ལ་བལྟ་བ་དང་། ཕྱག་བགྱི་བ་དང་། བསྙེན་བཀུར་བགྱི་ན། ཇི་ལྟར་བདག་གིས་མཐོང་བ་དང་།
139b4 ཇི་ལྟར་ཕྱག་བགྱི་བ་དང་། བདག་བསྙེན་བཀུར་བགྱིད་པའོ།། དེ་ལྟར་ཕྱག་བགྱིའོ།། དེ་ལྟར་བསྙེན་བཀུར་བགྱིའོ།། དེ་ལྟ་ན་དེ་བཞིན་གཤེགས་པ་མཐོང་བ་ནས། བསྙེན་བཀུར
139b5 བགྱིས་པའི་བར་དུ་འགྱུར་རོ། ། བཅོམ་ལྡན་འདས་བདག་ནི་སེམས་ཅན་ཐམས་ཅད་ཀྱི་སླད་དུ། དེ་བཞིན་གཤེགས་པ་ལ་བལྟ་བ་ལགས་སོ།། བཅོམ་ལྡན་འདས་ཀྱིས་བཀའ་སྩལ
139b6 པ་འཇམ་དཔལ་དེ་བཞིན་གཤེགས་པ་ལ་ཇི་ལྟར་བལྟ། འཇམ་དཔལ་གྱིས་གསོལ་པ། མི་དམིགས་པའི་ཚུལ་གྱིས་དེ་བཞིན་ཉིད་ཀྱི་རྣམ་པ་དང་། རྣམ་པར་མི་རྟོག་པའི
139b7 རྣམ་པར་དེ་བཞིན་གཤེགས་པ་བལྟ་བར་བགྱིའོ། ། དེ་བཞིན་གཤེགས་པ་ལ་མི་སྐྱེ་བའི་རྣམ་པར་བལྟ་བ་ནས། དངོས་པོ་མ་མཆིས་པའི་རྣམ་པའི་བར་དུ་དེ་བཞིན་གཤེགས་པ་ལ་བལྟ
iiif viewer powered by OpenSeadragon
