| e-texts navigator |
| Wylie |
67a1 གཤེགས་པས་རྟག་ཏུ་སེམས་ཅན་གང་རྣམ་པར་དཀར་ཞིང་ཡོངས་སུ་དག་པའི་ཆོས་ལས་ཅུང་ཟད་ཅིག་ཉན་པར་གྱུར་ན། རྣམས་ཀྱང་ཡོངས་སུ་མྱ་ངན་ལས་མི་འདའ་བར་མི་འགྱུར་རོ།།
67a2 ཞེས་གསུངས་པས་སོ།། བྱང་ཆུབ་སེམས་དཔའ་ནི་གལ་ཏེ་འདོད་ཆགས་སྤྱོད་པའི་སེམས་ཅན་མཐོང་ན། སེམས་ཅན་འདི་དག་འདོད་ཆགས་ཀྱི་གདུང་བས་བསྲེགས་པར་གྱུར་པའང་བདག་གིས་ཉེས་པ
67a3 ཡིན་ནོ་སྙམ་དུ་སེམས་སོ། ། ཞེ་སྡང་དང་གཏི་མུག་གི་གདུང་བས་བསྲེགས་པར་གྱུར་པ་དེ་དག་མཐོང་ནའང་། འདི་དག་ཐམས་ཅད་ནི་བདག་གིས་ཉེས་པ་ཡིན་ནོ་སྙམ་དུ་སེམས་སོ།། དེ་ཅིའི་ཕྱིར
67a4 ཞེ་ན། བདག་གིས་སེམས་ཅན་ཐམས་ཅད་ན་བའི་སྡུག་བསྔལ་དང་ལྡན་པར་གྱུར་པ་དེ་དག་མཐོང་བར་གྱུར་ན། སྨན་ཡོངས་སུ་བཙལ་ཏེ། ཐབས་མཁས་པས་ཡོངས་སུ་གསོ་བའི་རིགས་པ་ལས
67a5 བདག་སྔོན་སེམས་ཅན་གྱི་ནད་བསལ་བར་ཡི་དམ་བཅས་ན། དེང་ཡལ་བར་དོར་བ་འདི་ཉིད་བདག་གི་ཉེས་པ་ཡིན་ནོ་སྙམ་དུ་སེམས་པས་སོ།། བྱང་ཆུབ་སེམས་དཔའ་ནི་དེ་ལྟ་བུའི་བསམ་པ་དང
67a6 ལྡན་པས་བདག་ཉིད་ཀྱི་ཉེས་པ་ལ་ལྟ་ཞིང་། སེམས་ཅན་རྣམས་ལ་བྱམས་པའི་སེམས་སྐྱེད་པར་བྱེད་དོ།། གལ་ཏེ་གསོད་པ་འམ། ལུས་ཀྱི་ཡན་ལག་དང་ཉིང་ལག་གཅོད་ཅིང་གཏུབ་པ་ཞིག་དང་ཕྲད
67a7 པར་གྱུར་ནའང་། ཕ་རོལ་གནོད་པ་བྱས་པ་དེ་དག་ལ་ལན་བྱའོ་སྙམ་པའི་བསམ་པ་མེད་དོ།། གློག་ཐོབ་བྱང་ཆུབ་སེམས་དཔའ་དེ་ལྟར་ཡང་དག་པར་སྒོམ་པ་ན། འདས་པའི་མི་དགེ་བའི་ལས་ཇི་སྙེད
iiif viewer powered by OpenSeadragon
