| e-texts navigator |
| Wylie |
66b1 ཀྱང་རབ་ཏུ་མཁྱེན་པས། གལ་ཏེ་དུས་ལ་མ་བབ་པར་རིག་པར་གྱུར་ན་ནི། ཅང་མི་གསུང་ཞིང་བཏང་སྙོམས་སུ་བཞག་ནས་སེམས་ཅན་འདི་དག་ནི་ཆོས་ལ་རྨོངས་པར་གྱུར་པས། ཁོང་དུ
66b2 ཆུད་པར་མ་གྱུར་ཏོ་སྙམ་དུ་དགོངས་སོ། ། དེ་བཞིན་གཤེགས་པ་ནི་དབང་པོ་དང་སྟོབས་ཁྱད་པར་འཕགས་པ་ཕུན་སུམ་ཚོགས་ཤིང་། དུས་རབ་ཏུ་མཁྱེན་པའི་ཕྱིར་གདུལ་བའི་འོས་སུ་གྱུར་པ
66b3 དང་། བསམ་པ་མཆོག་ཏུ་གྱུར་པ་དང་། བཟོད་པར་ནུས་པའི་འོས་སུ་གྱུར་པ་དང་། ཚིག་ལེགས་པར་ཉན་པར་གྱུར་པ་དག་ཀྱང་ངས་རབ་ཏུ་མཁྱེན་ཏེ། དེ་ལྟར་མཁྱེན་པར་གྱུར་ནས་ཀྱང
66b4 སེམས་ཅན་དེ་དག་ཡོངས་སུ་སྡུད་ཅིང་ཕན་འདོགས་པར་བྱེད་དོ། ། དེ་ལྟ་བས་ན་གློག་ཐོབ་བྱང་ཆུབ་སེམས་དཔའ་ལས་དང་པོ་པ་ཡང་དག་པའི་གནས་སྐབས་སུ་མ་ཞུགས་པ། སེམས་ཅན་རྣམས
66b5 ཀྱི་ལྷག་པའི་བསམ་པ་ལེགས་པར་ཁོང་དུ་མ་ཆུད་པ་དག་གིས་ཁྱིམ་ན་གནས་པ་འམ། རབ་ཏུ་བྱུང་བའང་རུང་སྟེ། ཐམས་ཅད་ཀུན་ལ་སྨོད་ཅིང་གནོད་སེམས་བསྐྱེད་ནས། ཡུན
66b6 རིང་པོར་བདག་ཉིད་ལ་གནོད་པར་འགྱུར་བར་མི་བྱའོ། ། དེའི་ཕྱིར་བྱང་ཆུབ་སེམས་དཔའ་དང་པོ་སེམས་བསྐྱེད་པ་ནས། ཐེག་པ་ཆེན་པོ་ལ་གནས་པ་ཐམས་ཅད་ལ་སངས་རྒྱས་ཀྱི
66b7 འདུ་ཤེས་བསྐྱེད་པར་བྱའོ། ། སེམས་ཅན་གཞན་དག་སྡིག་པ་མི་དགེ་བའི་ལས་བྱེད་པར་མཐོང་ནའང་གནོད་སེམས་བསྐྱེད་པར་མི་བྱའོ།། དེ་ཅིའི་ཕྱིར་ཞེ་ན། དེ་བཞིན
iiif viewer powered by OpenSeadragon
