| e-texts navigator |
| Wylie |
66a1 སེམས་ཅན་རྣམས་འདོད་ཆགས་ཀྱིས་ཡོངས་སུ་གདུངས་ནས་ཉིན་མཚན་དུ་ཡིད་ལ་བྱེད་ཅིང་། དོན་མེད་པར་དུས་ལས་འདས་པར་བྱེད་པའང་ངས་རབ་ཏུ་མཁྱེན་ཅིང་གཟིགས
66a2 སོ། ། འདོད་ཆགས་ཀྱི་གདུང་བའི་ལུས་དང་ངག་གི་ལས་རྣམ་པ་སྣ་ཚོགས་སློང་བར་བྱེད་པ་དག་ཀྱང་ངས་རབ་ཏུ་མཁྱེན་ཅིང་གཟིགས་སོ།། ཞེ་སྡང་སྤྱོད་པའི་སེམས་ཅན་ཞེ་སྡང་གི
66a3 ཟིལ་གྱིས་ནོན་ནས། གཅིག་ལ་གཅིག་ཞེ་སྡང་གིས་ཕྲག་དོག་བྱེད་པ་དང་། གནོད་པ་བྱས་པའི་ཕྱིར་མནར་མེད་པའི་གནས་སུ་ལྟུང་བར་འགྱུར་བ་དག་ཀྱང་ངས་རབ་ཏུ་མཁྱེན་ཅིང
66a4 གཟིགས་སོ། ། གཏི་མུག་སྤྱོད་པ་དང་མཚུངས་པར་ལྡན་པའི་སེམས་ཅན་རྣམས་མ་རིག་པའི་མུན་ནག་གི་བསྒྲིབས་ཤིང་རྨོངས་པའི་མངོན་པར་ཞེན་པ་དང་། ལོག་པར་ལྟ་བའི
66a5 རྗེས་སུ་འབྲང་བ་ལ་མོས་པར་གྱུར་པ་དག་ཀྱང་ངས་རབ་ཏུ་མཁྱེན་ཏོ། ། འོས་སུ་གྱུར་པ་དང་། འོས་སུ་མི་འགྱུར་བ་དང་། འཕེལ་ཞིང་རྩོལ་བ་དང་བཅས་པ་དང་། ལྡོག་ཅིང་ཉམས་པར
66a6 གྱུར་པ་དང་། དེ་བཞིན་གཤེགས་པའི་ཐེག་པར་དགེ་བའི་རྩ་བ་བསྐྱེད་པ་དང་། རང་སངས་རྒྱས་ཀྱི་ཐེག་པར་དགེ་བའི་རྩ་བ་བསྐྱེད་པ་དང་། ཉན་ཐོས་ཀྱི་ཐེག་པར་དགེ་བའི་རྩ་བ་བསྐྱེད
66a7 པ་དག་ཀྱང་ངས་རབ་ཏུ་མཁྱེན་ཏོ། ། དེ་བཞིན་གཤེགས་པ་ནི་དེ་ལྟ་བུའི་མཁྱེན་པ་དང་ལྡན་པས་འཁོར་མང་པོའི་ནང་དུ་བཞུགས་ནས། སེམས་ཅན་གྱི་སེམས་ཀྱི་སྤྱོད་པའི་བྱེ་བྲག
iiif viewer powered by OpenSeadragon
