| e-texts navigator |
| Wylie |
65a1 ཐོབ་གྱུར་ཏེ། ། དེ་བཞིན་གཤེགས་པ་ཀུན་སྤྱན་ཕྲད།། རྟག་ཏུ་བསྙེན་བཀུར་རིམ་གྲོ་བྱས།། གཞན་ཡང་སངས་རྒྱས་བྱེ་བ་ཕྲག། བརྒྱད་ཅུ་དག་ནི་རིམ
65a2 གྲོ་བྱས། ། དེ་ཡི་འོག་ཏུ་སངས་རྒྱས་པ།། དེ་ནི་ང་བདག་ཉིད་ཡིན་ནོ།། ཆོས་སྨྲ་ཉེས་པ་མེད་པ་ལ།། གནོད་པ་བྱས་པའི་དགེ་སློང་ནི།། མ་འོངས་མངོན་པར་འཚང་རྒྱ་བ།། བྱང
65a3 ཆུབ་སེམས་དཔའ་བྱམས་པ་ཡིན། ། དེ་ཚེ་རྒྱལ་པོ་ཕོ་བྲང་ནང་།། བཙུན་མོ་འཁོར་ནི་བརྒྱད་ཁྲི་རྣམས།། ཤིན་ཏུ་དང་བས་དགེ་རྩ་བསྐྱེད།། སངས་རྒྱས་ཚད་མེད་རིམ་གྲོ་བྱས།། དེ་ལྟར་སྤྱོད་པ
65a4 རབ་བསྐྱེད་ནས། ། སེམས་ཅན་ཕན་གཏགས་སྨོན་ལམ་བཏབ།། སངས་རྒྱས་བྱེ་བ་སྟོང་མཆོད་ནས།། སོ་སོར་མངོན་པར་འཚང་ཡང་རྒྱ།། ངས་དེང་ཁྱོད་ལ་བསྒོ་བ་ནི།། ཐམས་ཅད
65a5 གནོད་སེམས་མ་སྐྱེད་ཅིག། གང་ཞིག་བྱམས་བསྒོམས་སངས་རྒྱས་བསྔགས།། མྱུར་དུ་བྱང་ཆུབ་ཆེན་པོ་འཐོབ། དེ་ལྟ་བས་ན་གློག་ཐོབ་སེམས་ཅན་རྣམས་ཀྱི་དབང་པོ་དང་། རང
65a6 བཞིན་དང་། བསམ་པ་དག་ལ་མི་མཁས་པ་དག་གིས་དུས་ཐམས་ཅད་དུ་གནོད་སེམས་བསྐྱེད་པར་མི་བྱའོ།། གློག་ཐོབ་འདི་ལྟ་སྟེ། དཔེར་ན་རི་རྣམས་ཀྱི་ནང་ན་རི་རབ་མཆོག་ཏུ་གྱུར་པ་དེ་བཞིན
65a7 དུ། དེ་བཞིན་གཤེགས་པའི་ཡེ་ཤེས་ཀྱང་ཡེ་ཤེས་རྣམས་ཀྱི་ནང་ན། མཆོག་དང་། གཙོ་བོ་དང་། བླ་ན་མེད་པར་གྱུར་པ་ཡིན་ནོ།། འདི་ལྟ་སྟེ། དཔེར་ན་ཆུ་བོ་ཐམས་ཅད་ཀྱི་ནང་ན
iiif viewer powered by OpenSeadragon
