| e-texts navigator |
| Wylie |
64b1 དེས་ནི་རྒྱལ་པོ་དང་། ། གཡོག་འཁོར་བསམ་པ་རིག་གྱུར་ནས།། དམ་པའི་དོན་ནི་རབ་ཏུ་བཤད།། རྒྱལ་པོས་ཐོས་ནས་དང་བ་ཐོབ།། འཁོར་ནི་བྱེ་བ་བརྒྱ་སྟོང་དང་།། རྒྱལ་སྲིད་སྤངས་ནས
64b2 རབ་ཏུ་བྱུང་། ། སྦྱངས་པའི་སྡོམ་པ་བླངས་པས་ན།། གཞན་གྱིས་མགྲོན་གཉེར་ཡོང་མི་ལེན།། དེ་ཚེ་རྒྱལ་པོའི་ཕོ་བྲང་ནང་།། བཙུན་མོ་འཁོར་བཅས་བརྒྱད་ཁྲི་རྣམས།། དམ་པའི་དོན
64b3 ནི་ཐོས་པས་ན། ། ཕྱིར་མི་ལྡོག་ལ་གནས་པར་གྱུར།། རྒྱལ་པོས་སངས་རྒྱས་གསུངས་པ་བཞིན།། ཁོ་ནི་ཉི་ཤུ་རྩ་བཞིའི་བར།། ཉིན་མཚན་རྟག་པར་སྡིག་བཤགས་ཀྱང་།། འོན
64b4 ཀྱང་སྡིག་པའི་ལས་མ་ཟད། ། ལོ་ནི་བྱེ་མང་སྡུག་བསྔལ་མྱོང་།། སྡིག་ཟད་དེ་བཞིན་གཤེགས་དང་ཕྲད།། སྔོན་ནི་སྐྲག་པར་བྱས་པའི་རྒྱུས།། རྣམ་སྨིན་ལྷག་མ་རྟག་པར
64b5 དམན། ། མཐར་གྱིས་རྣལ་འབྱོར་རབ་བསྒོམས་ཏེ།། སངས་རྒྱས་བྱེ་བ་སྟོང་མཆོད་ནས།། སོ་སོར་ཞིང་ཁམས་གཞན་དག་ཏུ།། ཐམས་ཅད་མངོན་པར་རྫོགས་སངས་རྒྱས།།
64b6 ཐམས་ཅད་ཀུན་ཀྱང་མཚན་མཐུན་པར།། ཡོན་ཏན་གྲགས་པ་ཞེས་བྱར་གྱུར།། དེ་ཚེ་རྒྱལ་པོ་རྒྱ་ཆེར་བྱིན།། དགེ་སློང་བྱམས་བཟོད་དེ་ལ་ནི།། གདུག་པའི་སེམས་ནི་བསྐྱེད
64b7 པས་ན། ། ལོ་ནི་བྱེ་བ་མང་པོར་ཡང་།། སྔོན་གྱི་སྡིག་ལས་མངོན་གྱུར་པས།། ངུ་འབོད་ཆེན་པོ་ལྷུང་བར་གྱུར།། རྣམ་སྨིན་དེ་ནི་ཟད་ནས་ཀྱང་།། སླར་ཡང་མི་ལུས
iiif viewer powered by OpenSeadragon
