| e-texts navigator |
| Wylie |
64a1 དྲི་མེད་རྒྱལ་པོ་ལ་སྨྲས་པ།། དངོས་པོ་འདི་ནི་ཡིད་ཆེས་དཀའ།། རེ་ཞིག་སྐད་ཅིག་སྡོད་ཅིག་དང་།། བདག་ལ་གསད་པའི་དབང་ཡོད་དོ།། རྒྱལ
64a2 པོས་དགེ་སློང་ཚིག་ཐོས་ནས། ། གཤེད་མ་དག་ལ་སྡོད་ཅིག་བསྒོ།། བདེན་པའི་དངོས་པོ་ཅི་ཞིག་ཡོད།། ཁྱེད་ཀྱིས་མྱུར་དུ་སྨྲ་བའི་རིགས།། ལྷག་པའི་བསམ་པ་ལྡན་གྱུར
64a3 ཅིང་། ། སྙིང་རྗེས་འཇིག་རྟེན་ཕན་འདོགས་པས།། སོར་མོ་བཅུ་ཡི་ཐལ་སྦྱར་ཏེ།། བདེན་པའི་ཚིག་ནི་འདི་སྐད་སྨྲས།། རྒྱལ་པོ་ཆེན་པོས་མཁྱེན་པར་མཛོད།། གལ
64a4 དེ་ཡང་དག་ཉེས་མེད་ན། ། ས་འདི་རྣམ་པ་དྲུག་ཏུ་གཡོས།། མཁའ་ལ་མེ་ཏོག་ཆར་ཕོབ་ཅིག། དེ་སྐད་ཚིག་ནི་སྦས་མ་ཐག། ས་ཆེན་རྣམ་པ་དྲུག་ཏུ་གཡོས།། མཁའ
64a5 ལ་ལྷ་ཡི་མེ་ཏོག་བབས། ། བདུད་འཁོར་མྱ་ངན་སྐྱེས་པར་འགྱུར།། དེ་ཚེ་རྒྱལ་པོ་དང་བ་སྐྱེས།། རྐང་ལ་ཕྱག་བྱས་བཟོད་པར་གསོལ།། བདག་ནི་དམྱལ་བར་ལྷུང་འགྱུར་ན།།
64a6 མགོན་མེད་བདག་ལ་སྟོབས་མཛོད་ཅིག། ཀྱི་ཧུད་སྡིག་པ་དེ་ཕྲད་པས།། གདུག་པའི་སེམས་ནི་སྐྱེས་པར་གྱུར།། སྡིག་པའི་གྲོགས་པའི་རྗེས་འབྲངས་པས།། མགོན་དང་སྐྱབས་བྱེད་སུ
64a7 ཡང་མེད། ། སྟོན་པ་ཆེན་པོ་མ་གཏོགས་པར།། ཕྱོགས་བཅུར་བདག་གི་མགོན་བྱེད་མེད།། བདག་གིས་རྒྱལ་སྲིད་སྤངས་ནས་ནི།། ནམ་འཚོའི་བར་དུ་སྐྱབས་སུ་མཆི།། དགེ་སློང
iiif viewer powered by OpenSeadragon
