| e-texts navigator |
| Wylie |
62b1 ཏུ་ལྟ་བ་ལ་སོགས་པ་དང་ལྡན་པ་དང་། སངས་རྒྱས་ཀྱི་ཆོས་ལ་སྐུར་པ་འདེབས་པ། རྣམ་པར་གཡེང་ཞིང་གདུལ་དཀའ་བ། དབང་པོ་རྣམས་མི་སྡོམ་པ། ཆོས་བཞིན་མ་ཡིན་པ་ལ
62b2 གནས་པ། དགེ་སློང་གི་ཚུལ་མེད་པར་བདག་ཉིད་དགེ་སྦྱོང་དུ་ཁས་འཆེ་བ། ལུས་དང་། ངག་དང་། ཡིད་ཀྱི་ལས་ཐམས་ཅད་ལོག་པར་ཞུགས་པ་ཤ་སྟག་གནས་པར་གྱུར་ཏོ།།
62b3 དེའི་ཚེ་བཅོམ་ལྡན་འདས་དེ་དབྱར་འདས་ནས་ཡོངས་སུ་མྱ་ངན་འདས་པ་དང་། རྒྱལ་པོ་རྒྱ་ཆེར་བྱིན་པས་ཙན་དན་དམར་པོས་སྐུ་ཞུགས་ལ་བཞིན་ནས་མཆོད་པ་བྱས་ཏེ། རིང་བསྲེལ་གྱི
62b4 མཆོད་རྟེན་ངོས་བཞི་ཀུན་ཏུ་ཙན་དན་དམར་པོའི་མུ་ཁྱུད་ཀྱིས་བསྐོར་བ། པདྨ་གསེར་གྱི་ཁ་དོག་དང་ལྡན་པ་བྱེ་བ་ཕྲག་བརྒྱད་ཅུ་བརྩིགས་སོ།། དེའི་ཚེ་དགེ་སློང་དྲི་མ་མེད་པ་ནི་བཅོམ་ལྡན
62b5 འདས་དེས་མང་དུ་ཐོས་པའི་མཆོག་ཏུ་ལུང་བསྟན་པས། དེ་བཞིན་གཤེགས་པ་དེ་ཡོངས་སུ་མྱ་ངན་ལས་འདས་པའི་འོག་ཏུ་དམ་པའི་ཆོས་རྒྱ་ཆེར་སྤེལ་ཏེ། གྲོང་དང་། གྲོང་ཁྱེར་དང་།
62b6 གྲོང་རྡལ་གང་དང་གང་དུ་སོང་བ་དེར། སེམས་ཅན་བརྒྱ་སྟོང་ཚད་མེད་པ་སྙེད་ཡོངས་སུ་བདུལ་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་བཀོད་པར་གྱུར་ཏེ། དེའི་ཚེ་དགེ
62b7 སློང་སྡིག་ཅན་མང་པོ་རྣལ་འབྱོར་ཁོང་དུ་མ་ཆུད་པ། རྟག་པར་ཕྲག་དོག་དང་བཅས་པ། བདུད་ཀྱིས་བསླུས་པ་རྣམས་རྒྱལ་པོ་དེ་ག་ལ་བ་དེར་དོང་སྟེ། འདི་སྐད་དུ་རྒྱལ་པོས་བཀུར
iiif viewer powered by OpenSeadragon
