| e-texts navigator |
| Wylie |
60a1 གི་མཐའ་ཡང་རྙེད་པར་མི་འགྱུར་ལ། བྱང་ཆུབ་སེམས་དཔའ་དེའི་ཤེས་རབ་དང་སྤོབས་པའང་གདུགས་པར་མི་འགྱུར་ཏེ། འདི་ནི་བྱང་ཆུབ་སེམས་དཔའ་ཆོས་ཀྱི
60a2 དབྱིངས་དབྱེར་མེད་པའི་མཚན་ཉིད་ལེགས་པར་བཤད་པས་ཐོབ་པའི་ཆ་མཉམ་པའི་སྤྱོད་པའི་གཏེར་ཅེས་བྱའོ། ། །། བམ་པོ་གཉིས་པ་སྟེ་ཐ་མ།།
60a3 གཞན་ཡང་གློག་ཐོབ་བྱང་ཆུབ་སེམས་དཔའ་དེས་དེ་ལྟ་བུའི་ཡེ་ཤེས་ཡོངས་སུ་རྫོགས་པར་གྱུར་པས། སེམས་ཅན་རྣམས་ཀྱི་དབང་པོ་དང་། སྤྱོད་པ་དང་། བསམ་པའང་ཐབས་མཁས
60a4 པས་རབ་ཏུ་རྟོགས་པས། གལ་ཏེ་འདོད་ཆགས་མང་བའི་སེམས་ཅན་མཐོང་བར་གྱུར་ན། དེ་དག་རབ་ཏུ་དུལ་ཞིང་དེ་དག་གི་ནད་གསོ་བའི་ཕྱིར། སོ་སོའི་སྐྱེ་བོ་དང་མཐུན་པར་འདོད།།
60a5 པ་རྣམས་ལ་ཡོངས་སུ་སྤྱོད་པ་དང་། བུ་དང་། ཆུང་མ་དང་། ཁྱིམ་གྱི་སོ་ཆིས་ཕུན་སུམ་ཚོགས་པར་སྟོན་པར་བྱེད་ཀྱང་། པདྨ་བཞིན་དུ་མ་གོས་ཤིང་མངོན་པར་ཞེན་པར་གྱུར་པ
60a6 མེད་དོ། ། སེམས་ཅན་གང་གཏི་མུག་ཅིང་བློ་དང་མི་ལྡན་པ་དེ་དག་ནི། བྱང་ཆུབ་སེམས་དཔའ་ཐབས་མཁས་པ་མི་ཤེས་པས། འདི་སྙམ་དུ་བློ་དང་ལྡན་པ་སུ་ཞིག་སོ་སོའི་སྐྱེ་བོ་དང་ཐ་མི།།
60a7 དད་པར་འདོད་པ་རྣམས་ཉམས་སུ་ལེན་པར་བྱེད་ཅེས། བྱང་ཆུབ་སེམས་དཔའ་དེ་ལ་འདི་ནི་བྱང་ཆུབ་སྤངས་པ་ཡིན་ནོ་སྙམ་དུ་སེམས་པར་བྱེད་དེ། སེམས་ཅན་དེ་ལྟ་བུ་དེ་དག་ནི་སེམས
iiif viewer powered by OpenSeadragon
