| e-texts navigator |
| Wylie |
59a1 རྣམས་དེར་སྣང་ཞིང་འཕེལ་བ་དང་འགྲིབ་པ་མེད་ཀྱང་། མེ་ལོང་གི་དཀྱིལ་འཁོར་དེ་བདག་ནི་གཟུགས་བརྙན་རྣམ་པ་སྣ་ཚོགས་འདི་དག་སྟོན་པར་བྱེད་དོ་ཞེས
59a2 མི་སེམས་མོད་ཀྱི། འོན་ཀྱང་མེ་ལོང་གི་དཀྱིལ་འཁོར་དེ་ཤིན་ཏུ་བྱི་དོར་ལེགས་པར་བྱས་ན། གཟུགས་བརྙན་གྱི་རྣམ་པ་ཐམས་ཅད་རང་གིས་རབ་ཏུ་སྣང་བར་འགྱུར་རོ།། དེ
59a3 བཞིན་དུ་བྱང་ཆུབ་སེམས་དཔའ་ཡང་ཆོས་ཀྱི་དབྱིངས་ཀྱི་མེ་ལོང་གི་དཀྱིལ་འཁོར་ཤིན་ཏུ་ལེགས་པར་བྱི་དོར་བྱས་པས། རྩོལ་བ་མེད་པའི་ཏིང་ངེ་འཛིན་ལ་གནས་ནས། སེམས་ཅན
59a4 རྣམས་ཀྱི་སེམས་ཀྱི་སྤྱོད་པ་བྱེ་བྲག་ཇི་ལྟ་བ་བཞིན་དུ་ཆོས་ཀྱི་སྒོ་མོ་བརྒྱ་སྟོང་དུ་མ་རྣམ་པར་ཕྱེ་སྟེ་བསྟན་ནས། དེ་དག་ཐམས་ཅད་རབ་ཏུ་རྟོགས་ཤིང་རྣམ་པར་གྲོལ་བ་ཐོབ་པར་བྱས་ཀྱང་། ཆོས་ཀྱི
59a5 མཚན་མ་དང་། སེམས་ཅན་གྱི་མཚན་མ་སྐྱེད་པར་མི་བྱེད་དོ།། དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་དེས་ཆོས་ཀྱི་དབྱིངས་ཀྱི་མཚན་ཉིད་ཤིན་ཏུ་ལེགས་པར་རྟོགས་པའི་ཕྱིར་དང་།
59a6 སྤྱོད་པ་བཞི་པོ་འདི་དག་དང་མཚུངས་པར་ལྡན་པའི་སེམས་ཅན་གང་ཡིན་པ་དེ་དག་ཡང་དག་པ་ཇི་ལྟ་བ་བཞིན་དུ་རབ་ཏུ་རྟོགས་པས་དེ་དག་གི་དབང་པོ་དང་། རང་བཞིན་དུ་ཆོས་སྟོན་པར་བྱེད་ཀྱང་།
59a7 ཆོས་ཀྱི་དབྱིངས་དང་། སེམས་ཅན་གྱི་ཁམས་ཡང་དག་པ་ཇི་ལྟ་བ་བཞིན་དུ་སོ་སོར་རྟོག་པར་བྱེད་པས་གཉིས་སུ་འགྱུར་བའི་མཚན་ཉིད་ཀྱང་མེད་དོ།། ཆོས་ཀྱི་དབྱིངས་དང་། སེམས་ཅན་གྱི
iiif viewer powered by OpenSeadragon
