| e-texts navigator |
| Wylie |
57b1 ཚོགས་ཀྱི་རྗེས་སུ་ཚིག་འབྲུ་དང་། ཡི་གེ་དང་། བརྗོད་པ་རྣམ་པ་སྣ་ཚོགས་ཀྱི་ཐབས་མཁས་པས་ཆོས་སྟོན་པར་བྱེད་ཀྱང་། ཞེ་སྡང་སྤྱོད་པའི་མཐའ་རྙེད་པར་མི་འགྱུར་ལ། བྱང་ཆུབ་སེམས།
57b2 དཔའ་དེའི་ཤེས་རབ་དང་སྤོབས་པའང་གདུགས་པར་མི་འགྱུར་ཏེ། འདི་ནི་བྱང་ཆུབ་སེམས་དཔའ་ཆོས་ཀྱི་དབྱིངས་དབྱེར་མེད་པའི་མཚན་ཉིད་ལེགས་པར་བཤད་པས་ཐོབ་པའི་ཞེ་སྡང་སྤྱོད་པའི
57b3 གཏེར་ཅེས་བྱའོ། ། གཞན་ཡང་གློག་ཐོབ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་གཏི་མུག་སྤྱོད་པའི་གཏེར་ཅེས་བྱ་བ་ཇི་ལྟ་བུ་ཞེ་ན། གློག་ཐོབ་བྱང་ཆུབ་སེམས་དཔའ
57b4 རྣམས་ཀྱི་སྤྱོད་པ་འདི་ལྟ་བུ་འདི་ནི་ཤིན་ཏུ་དཀའ་བའི་དངོས་པོ་ཡིན་ཏེ། འདི་ལྟར་སེམས་ཅན་རྣམས་ནི་ཉོན་མོངས་པའི་རྗེས་སུ་འབྲང་བ། གཞན་ལ་གནོད་པ་བྱེད་པ། མ་རིག་པའི་མངལ་གྱི་སྒོངས།
57b5 ཀུན་ཏུ་དཀྲིས་པས་དར་གྱི་སྲིན་བུ་བཞིན་དུ་བདག་ཉིད་བཅིངས་པས་ཆོས་ཀྱི་དབྱིངས་རྟོགས་པའི་ཐབས་མེད་པ། བྱ་བ་དག་ལ་ལེགས་པར་སོ་སོར་མི་རྟོག་ང།། བདག་ཏུ་ལྟ་བ། མངོན་པར་ཞེན་པ།
57b6 ལམ་ལོག་པར་ཞུགས་པ། བུལ་བའི་སྤྱོད་པ་ལ་གནས་པ། ངེས་པར་འབྱུང་བར་དགའ་བ་ཡིན་པས། འདི་ལྟ་བུ་ལ་སོགས་པས་རྨོངས་པར་གྱུར་པའི་སེམས་ཅན་དག་གི་ཆེད་དུ་དང་པོ་སེམས་བསྐྱེད
57b7 པ་ནས་སྦྱོར་བ་ཆེན་པོ་བསྐྱེད་དེ། ངལ་ཞིང་སྡུག་བསྔལ་བའང་མེད། ལེ་ལོའང་མེད་པར་རྐྱེན་གང་དང་། མོས་པ་གང་དང་། ཆོས་བསྟན་པ་ཇི་ལྟ་བུ་ཞིག་གིས་སེམས་ཅན་འདི་དག་བྱང་ཆུབ
iiif viewer powered by OpenSeadragon
