| e-texts navigator |
| Wylie |
54b1 བདེ་བ་སྦྱིན་པར་བྱེད་ཀྱང་། བྱང་ཆུབ་སེམས་དཔའ་དེ་དག་གིས་ཆོས་བསྟན་ཏོ།། བསྟན་པར་བྱའོ་སྙམ་དུ་མི་སེམས་མོད་ཀྱི་འོན་ཀྱང་རང་གི་ངང་གིས་སྙིང་རྗེ་ཆེན་པོའི་བསམ
54b2 པ་ལ་གནས་ནས། སེམས་ཅན་རྣམས་ལ་སོ་སོར་བརྟགས་ཏེ། ཅི་རིགས་པར་ཆོས་སྟོན་པར་བྱེད་དོ།། གཞན་ཡང་གློག་ཐོབ་འདི་ལྟ་སྟེ། དཔེར་ན་བརྒྱ་བྱིན་ལྷའི་དབང་པོ་ལ
54b3 ལྷའི་བུ་མོ་ཁྲག་ཁྲིག་ཕྲག་བཅུ་གཉིས་ཡོད་པ་དེ་དག། བརྒྱ་བྱིན་ལྷའི་དབང་པོའི་རང་གི་མཐུའི་དབང་གིས་ལུས་མང་པོ་བསྟན་ནས། ལྷའི་བུ་མོ་དེ་དག་དེ་དང་ལྷན་ཅིག་འདོད་པའི་བདེ་བ་ཡོངས་སུ
54b4 རྫོགས་པར་མྱོང་བས། དེ་དག་སོ་སོ་ནས་འདི་སྙམ་དུ་བདག་གཅིག་པུ་ནི་དེང་ལྷའི་དབང་པོ་དང་ལྷན་ཅིག་རྩེས་སོ་སྙམ་དུ་སེམས་ཀྱང་། ཡང་དག་པར་ལྷའི་དབང་པོ་དེ་ལ་མངོན་པར་ཞེན་པར
54b5 གྱུར་པ་ཅིའང་མེད་དོ། ། བྱང་ཆུབ་སེམས་དཔའ་ཡང་དེ་བཞིན་དུ་སེམས་ཅན་གང་ཡོངས་སུ་བཟླ་བའི་འོས་སུ་གྱུར་པ་དེ་དག་གི་བསམ་པ་ཇི་ལྟ་བ་བཞིན་དུ་ཡོངས་སུ་སྨིན་པར་བྱེད་ཀྱང་། བྱང་ཆུབ
54b6 སེམས་དཔའ་ལ་མངོན་པར་ཞེན་པར་གྱུར་པ་མེད་དོ། ། གཞན་ཡང་གློག་ཐོབ་འདི་ལྟ་སྟེ། དཔེར་ན་ཉི་མའི་དཀྱིལ་འཁོར་རི་མཐོན་པོའི་རྩེ་ལ་ཤར་བའི་ཚེ། འོད་ཀྱིས་འཛམ་བུའི་གླིང་ཀུན་ཏུ་སྣང་བར
54b7 བྱེད་པས། གང་དུ་སྣང་བར་བྱས་པའི་གནས་དེ་དག་ཏུ་ཁ་དོག་སྔོན་པོ་དང་། སེར་པོ་དང་། དམར་པོ་དང་། དཀར་པོ་རྣམ་པ་སྣ་ཚོགས་རབ་ཏུ་སྟོན་པར་བྱེད་ཀྱང་། ཉི་མའི་དཀྱིལ་འཁོར་ད་ནི་ཁ
iiif viewer powered by OpenSeadragon
