| e-texts navigator |
| Wylie |
53a1 ཆགས་ཀྱི་མངོན་པར་ཞེན་པ་བསྐྱེད། ཡིད་ལ་བྱེད་ཅིང་ཡོངས་སུ་གཉེར་བར་བྱེད་པའང་ཡོད་དོ།། སེམས་ཅན་ཁ་ཅིག་ནི་བུད་མེད་ཀྱི་སྒྲ་ཐོས་པ་ཙམ་གྱིས་འདོད་ཆགས་ཀྱི
53a2 སྲེད་པ་སྐྱེད་པར་བྱེད་ལ། རེས་འགའ་ནི་མཐོང་བ་ཙམ་གྱིས་འདོད་ཆགས་ཀྱི་སེམས་དང་བྲལ་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡོངས་སུ་སྨིན་པར་བྱེད་པའང་ཡོད་པས།
53a3 དེའི་ཕྱིར་གློག་ཐོབ་བྱང་ཆུབ་སེམས་དཔའ་ནི་འདོད་ཆགས་ཀྱི་ནད་རྣམ་པ་སྣ་ཚོགས་གང་ཡིན་པ་དང་། འདོད་ཆགས་ཀྱི་སྨན་རྣམ་པ་སྣ་ཚོགས་གང་ཡིན་པ་དེ་དག་ཐབས་མཁས་པས་ལེགས
53a4 པར་ཁོང་དུ་ཆུད་ཀྱང་། ཆོས་ཀྱི་དབྱིངས་ལ་གཉིས་སུ་འཛིན་པའི་མཚན་མའང་མེད་ལ། ཆོས་ཀྱི་དབྱིངས་ལ་རྨོངས་པར་གྱུར་པའི་སེམས་ཅན་དེ་དག་ལའང་སྙིང་རྗེ་ཆེན་པོ་བསྐྱེད་པར་བྱའོ།། །
53a5 གློག་ཐོབ་འདོད་ཆགས་དང་། ཞེ་སྡང་དང་། གཏི་མུག་ཅེས་བྱ་བ་དང་། ཆོས་ཀྱི་དབྱིངས་ཀྱི་ཡེ་ཤེས་ཞེས་བྱ་བའི་ཆོས་ཅུང་ཟད་ཙམ་ཡང་དམིགས་སུ་མེད་པས། བྱང་ཆུབ་སེམས་དཔའ་འདི་སྙམ
53a6 དུ་བདག་གིས་མཐོང་བ་ལྟར་ན། སེམས་ཅན་རྣམས་ནི་མཚན་མ་མེད་པ། རང་བཞིན་གྱིས་སྟོང་ཞིང་དབེན་པ། བཏགས་པ་ཙམ་དུ་རྣམ་པར་གཞག་པ། ཚོགས་ཤིང་འདུས་པའི་ཆོས་འདི་ལ
53a7 འདོད་ཆགས་དང་། ཞེ་སྡང་དང་། གཏི་མུག་སྐྱེད་པར་བྱེད་པས། བདག་གིས་འདི་དག་ཡང་དག་པ་ཇི་ལྟ་བ་བཞིན་དུ་སོ་སོར་བརྟགས་ནས། འདོད་ཆགས་ཀྱིས་རྨོངས་པར་གྱུར་པའི་སེམས་ཅན
iiif viewer powered by OpenSeadragon
