| e-texts navigator |
| Wylie |
51a1 ཇི་ལྟར་བདུད་ནི་གདུལ་བར་བགྱི།། ཇི་ལྟར་ཆོས་ནི་བསྟན་པར་བགྱི།། ཇི་ལྟར་དྲན་པ་ཉམས་མི་འགྱུར།། ཁྱོད་ཀྱི་བཀས་ནི་བཤད་དུ་གསོལ།། ཇི་ལྟར
51a2 དཔའ་བོ་དག་གིས་ནི། ། འཁོར་བ་ཀུན་ཏུ་ཞུགས་གྱུར་ཀྱང་།། མཚན་ཉིད་གཅིག་ལ་གནས་བགྱིད་ཅིང་།། ཆོས་ལ་རྟག་ཏུ་གཡོ་མི་འགྱུར།། ཇི་ལྟར་སངས་རྒྱས་རྣམས་ལ་ནི།།
51a3 བརྟེན་ཅིང་མཆོད་པ་བགྱིས་ནས་ནི།། རྟག་པར་སངས་རྒྱས་སྐུ་བལྟས་ཀྱང་།། མཐར་ནི་མཚན་མ་སྤོང་འགྱུར་ལགས།། རྣམ་ཐར་གསུམ་པོ་མངོན་བགྱིས་ཀྱང་།། མཁའ་ལ་བྱ།
51a4 ནི་འཕུར་བ་བཞིན།། ཡོན་ཏན་ཕུན་ཚོགས་མ་གྱུར་པར།། ནམ་ཡང་མྱ་ངན་མི་འདའ་ལགས།། དབང་པོ་རང་བཞིན་ཡོངས་རྟོགས་ནས།། འཇིགས་པ་མ་མཆིས་རྗེས
51a5 འབྲང་ཞིང་། ། མངོན་པར་ཞེན་པ་མ་མཆིས་པས།། སེམས་ཅན་དེ་དག་སྨིན་བགྱིད་ལགས།། སྔར་ནི་འཇིག་རྟེན་བདེ་བཏང་ནས།། སླད་ཀྱིས་དང་བའི་སེམས་སྐྱེད་དེ།།
51a6 ཤེས་གྱ་ནོམ་ཕུན་ཚོགས་པས།། བླ་མེད་བྱང་ཆུབ་འཐོབ་འགྱུར་བ།། འདི་འདྲའི་ཟབ་མོ་གྱ་ནོམ་དོན།། དེ་བཞིན་གཤེགས་པས་བཀས་བཤད་གསོལ། དེ་ནས་བཅོམ
51a7 ལྡན་འདས་ཀྱིས། བྱང་ཆུབ་སེམས་དཔའ་སེམས་དཔའ་ཆེན་པོ་གློག་ཐོབ་ལ་བཀའ་སྩལ་པ། རིགས་ཀྱི་བུ་ཁྱོད་ཀྱིས་སེམས་ཅན་ཚད་མེད་པ་རྣམས་ལ་ཕན་ཞིང་བདེ་བར་བྱ་བ་དང་། ད་ལྟར
iiif viewer powered by OpenSeadragon
