| e-texts navigator |
| Wylie |
50b1 གཅིག་ལ་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་འཚང་རྒྱ་བར་འགྱུར་ལགས། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་གློག་ཐོབ་ཀྱིས།
50b2 བཅོམ་ལྡན་འདས་ཀྱི་སྤྱན་སྔར་ཚིགས་སུ་བཅད་དེ་ཞུ་བ་ཞུས་པ།། བླ་ནམ་མཆིས་མི་ཡི་གཙོ།། མཁྱེན་དང་གཟིགས་པ་ཚད་མ་མཆིས།། མ་འདྲེས་ཆོས་ལ་བཞུགས་ནས་ནི།།
50b3 འཇིག་རྟེན་རྣམས་ལ་ཕན་འདོགས་མཛད།། སེམས་ཅན་ཀུན་ལ་སྙོམས་པར་གཟིགས།། འཇིག་རྟེན་ཀུན་གྱི་མགོན་སྐྱབས་མཛད།། ལོག་དང་ཡང་དག་ལམ་བསྟན་ནས།། མཐར་ཐུག་བདེལ
50b4 དགོད་པར་མཛད། ། ཡོན་ཏན་མཆོག་ནི་རབ་བསགས་པས།། རིན་ཆེན་སྣ་ཚོགས་ཕུང་པོ་འདྲ།། འཇིག་རྟེན་ཤེས་རབ་ཉི་མ་ཁྱོད།། ཁམས་གསུམ་མཆོད་འོས་གཙོ་བོ་ལགས།། ཐེག
50b5 པ་ཆེན་པོ་བཀས་བཤད་ནས། ། བྱང་ཆུབ་ལམ་ནི་རྫོགས་པར་མཛོད།། ཞལ་མཚན་ཟླ་བ་ཉ་བ་འདྲ།། ཞི་གནས་དག་ནི་ཕུན་སུམ་ཚོགས།། ཉེར་ཞི་ཆོས་ནི་རབ་བསྟན་ནས།། ཉོན
50b6 མོངས་རྣམས་ནི་ཞི་བར་མཛད། ། བྱང་ཆུབ་སྤྱོད་པ་བཀས་བཤད་ནས།། སེམས་ཅན་རྣམས་ལ་ཕན་མཛད་གསོལ།། སངས་རྒྱས་ཞིང་དང་སྐུ་ཚེ་དང་།། གཟུགས་སྐུ་དང་ནི་འཁོར
50b7 རྣམས་དང་། ། འཕྲིན་ལས་གསུམ་དང་ཆོས་རྣམས་ཀྱང་།། ཐམས་ཅད་ཀུན་ནི་རྣམ་པར་དག། བཅོམ་ལྡན་བྱང་ཆུབ་སེམས་དཔའ་ཡི།། རྣམ་དག་སྤྱོད་པ་བཀས་བཤད་གསོལ།།
iiif viewer powered by OpenSeadragon
