| e-texts navigator |
| Wylie |
405a1 ཀྱང་མཁས་པ་རྣམས་ཀྱིས་སྨད་པར་འགྱུར། ། ཁྱོད་ཀྱི་མཆོད་སྦྱིན་འགྲུབ་པར་མི་འགྱུར་གྱིས།། དེ་བས་དགེ་སློང་རྣམས་ནི་ཤིན་ཏུ་སྤོངས།། དེ་ནས་བུ་མོ་དྲིང་མེད་ཀྱིས་བྱིན་པས
405a2 བྲམ་ཟེ་ཚངས་པའི་ལྷ་དེ་ལ་ཚིགས་སུ་བཅད་དེ་སླར་སྨྲས་པ། ཡོན་ཏན་ལྡན་པ་འདི་དག་མ་གཏོགས་པར།། པ་དང་མཱ་ཡང་ཁོ་མོའི་སྐྱབས་མ་ཡིན།། གཉེན་གྱི་ཚོགས་དང་ནོར་དང་ལང་མོ་མིན།། འདི་ག
405a3 འཁོར་བར་བྱིང་བ་རྣམས་ཀྱི་སྐྱབས། ། བདག་ནི་སངས་རྒྱས་དགའ་བས་ལུས་བཏང་ཞིང་།། དེ་བཞིན་སྲོག་དང་ལོངས་སྤྱོད་རྣམས་ཀྱང་བཏང་།། དཀོན་མཆོག་གསུམ་ཉིད་སྐྱབས་ཡིན་མ་གཏོགས་པར།
405a4 ཁོ་མོའི་སྐྱབས་རྟེན་སེམས་ཅན་འདི་ན་མེད། དེ་ནས་བྲམ་ཟེ་ཚངས་པའི་ལྷས། བུ་མོ་དྲི་མ་བྱེད་ཀྱིས་བྱིན་པ་ལ་འདི་སྐད་ཅེས་སྨྲས་སོ།། བུ་མོ་བཙས་ནས་ཁྱོད་ཀྱི་སྔོན་སངས་རྒྱས
405a5 ཀྱང་མ་གཟིགས། སྔོན་ཆོས་ཀྱང་མ་གསན། སྔོན་དགེ་འདུན་ལ་བསྙེན་བཀུར་ཡང་མ་མཛད་ན། ཁྱོད་ཅིའི་སླད་དུ་སངས་རྒྱས་ལ་དད་པར་གྱུར། བུ་མོ་དྲི་མ་མེད་ཀྱིས་བྱིན་པས་སྨྲས་པ
405a6 བྲམ་ཟེ་ཁོ་མོ་བཙས་ནས་ཞག་བདུན་ལོན་པ་ན། ཙན་དན་གྱི་ཁང་བཟང་ཀྱི་ནང་ན་གསེར་གྱི་ཁྲི་ལ་བཞག་པའི་ཚེ། ལྷའི་བུ་ལྔ་བརྒྱ་སྟེང་གི་བར་སྣང་ལ་འདིང་བ་ཁོ་མོས་མཐོང་སྟེ། དེ་དག་རྣམ་གྲངས་དུ
405a7 མས་སངས་རྒྱས་ཀྱི་བསྔགས་བརྗོད། ཆོས་དང་དགེ་འདུན་གྱི་བསྔགས་བརྗོད་པ་ཁོ་མོས་ཐོས་སོ།། དེ་ནས་ལྷའི་བུ་དེ་དག་གི་ནང་ནས་གང་གིས་སྔོན་དེ་བཞིན་གཤེགས་པ་མཐོང་བ་གཅིག་པུ་དེ
iiif viewer powered by OpenSeadragon
