| e-texts navigator |
| Wylie |
404b1 རྣམ་པར་དག་ཅིང་བདེན་པཞི་མཐོང་། ། དུལ་ལ་གྲོལ་བར་གྱུར་ཅིང་མཉམ་པར་བཞག། འདི་དག་རྐང་གཉིས་དམ་པ་བསོད་ནམས་ཞིང་།། འདི་ལ་ཡོན་ཕུལ་མཐོ་རིས་འགྲོ་བར་འགྱུར།། འདི་ལ་ཡོན་ཕུལ
404b2 འབྲས་བུ་འཆི་མེད་འཐོབ། ། བྱིན་ནས་སེམས་ཅན་ངན་འགྲོར་འགྲོ་མི་འགྱུར།། ཚུལ་ཁྲིམས་དང་ནི་དུལ་བར་ལྡན་པ་ཡིན།། འདོད་ལས་བརྒལ་ཞིང་སྡིག་མེད་རེ་བ་མེད།། འདི་དག་སྨན་པ་མཆོག་སྟེ་འཇིག་རྟེན་རྒྱུ།
404b3 སྡུག་བསྔལ་གཟིར་བའི་སྲོག་ཆགས་ཐར་པར་བྱེད།། སངས་རྒྱས་འཇིག་རྟེན་དག་ན་ཆོས་ཀྱི་རྗེ།། དེའི་སྲས་འདི་དག་རྡུལ་མེད་ཉོན་མོངས་མེད།། འདི་དང་བྱང་ཆུབ་སེམས་དཔའ་གཞན་ཡང་མང་།། ཤེས
404b4 རབ་ལྡན་མིས་འདི་དག་ཇི་ལྟར་སྤང་། ། འདི་དག་བརྟུལ་ཞུགས་སྤྱད་ཅིང་འདོད་ཆགས་ཞི།། བཀྲ་ཤིས་གྱུར་ཅིང་མཁས་པ་སྦྱིན་ཆར་ཕབ།། འདི་དག་རྣམས་ལ་བཀུར་སྟི་ཆུང་བྱས་ཀྱང་།། མི་རྣམས་ཆོས
404b5 དང་དེ་བཞིན་ནོར་ཡང་འགྲུབ། ། འདི་དག་མཚན་རྣམས་ཡོངས་རྫོགས་དགེ་ཤིས་ལྡན།། འདི་དག་ཞིང་མཆོག་རྣམ་དག་སེམས་དང་ལྡན།། བྲམ་ཟེ་འདི་ལ་སུ་ཞིག་དད་བྱེད་པ།། དེ་ནི་བསོད་ནམས་མང
404b6 པོ་སྐྱེད་པར་འགྱུར། ། དེ་ནས་བྲམ་ཟེ་ཚངས་པའི་ལྷས། བུ་མོ་དྲི་མ་མེད་ཀྱིས་བྱིན་པ་ལ་ཚིགས་སུ་བཅད་དེ་སླར་སྨྲས་པ། བྱིས་པའི་སེམས་ཀྱི་དབང་དུ་མ་བཞུད་ཅིག།
404b7 མཆོད་སྦྱིན་དུས་འདིར་དགེ་སློང་མ་གཟིགས་ཤིག། ངུར་སྨྲིག་གོས་ཅན་དེ་བཞིན་མགོ་བྲེགས་པ།། དེ་དག་དོན་འདོད་པས་ནི་བལྟ་མི་བགྱི།། ཡབ་དང་ཡུམ་ཡང་དགྱེས་པར་མི་འགྱུར་ཞིང་།། བདག
iiif viewer powered by OpenSeadragon
