| e-texts navigator |
| Wylie |
402b1 སྨྲས་པ། ཅི་ནས་ཀྱང་གྲོང་ཁྱེར་ན་སྐྱེས་པ་དང་། བུད་མེད་དང་། ཁྱེའུ་དང་། བུ་མོ་གང་དག་བདག་ཅག་ལ་བསོད་སྙོམས་སྦྱིན་པར་བྱེད་པ་འཁོད་པ་དེ་དག་ཐམས་ཅད་ཡོངས་སུ་མྱ་ངན་ལས
402b2 འདས་པ་ལ་ཐུག་གི་བར་དུ། ལོངས་སྤྱོད་ཟད་མི་ཤེས་པ་རྙེད་པར་འགྱུར་བ་རྣམ་པ་དེ་ལྟ་བུའི་ཏིང་ངེ་འཛིན་ལ་ཁོ་བོ་སྙོམས་པར་ཞུགས་ཏེ། གྲོང་ཁྱེར་དུ་འཇུག་པར་བྱའོ།། ཚེ་དང་ལྡན་པ་རབ
402b3 འབྱོར་གྱིས་སྨྲས་པ། གང་གིས་གྲོང་ཁྱེར་དུ་སྐྱེ་བོའི་ཚོགས་ཐམས་ཅད་ཉོན་མོངས་པ་མེད་པ་ཐོབ་པར་འགྱུར་བ་རྣམ་པ་དེ་ལྟ་བུའི་ཏིང་ངེ་འཛིན་ལ་ཁོ་བོ་སྙོམས་པར་ཞུགས་ཏེ། གྲོང་ཁྱེར་དུ
402b4 འཇུག་པར་བྱའོ། ། ཚེ་དང་ལྡན་པ་ནམ་གྲུས་སྨྲས་པ། གང་གིས་གྲོང་ཁྱེར་དུ་སྐྱེ་བོའི་ཚོགས་ཐམས་ཅད་ཀྱིས་ཏིང་ངེ་འཛིན་ཐོབ་པར་འགྱུར་བ་རྣམ་པ་དེ་ལྟ་བུའི་ཏིང་ངེ་འཛིན་ལ་ཁོ་བོ་སྙོམས་པར་ཞུགས
402b5 ཏེ། གྲོང་ཁྱེར་དུ་འཇུག་པར་བྱའོ།། ཚེ་དང་ལྡན་པ་མ་འགགས་པས་སྨྲས་པ། གང་གིས་གྲོང་ཁྱེར་དུ་སྐྱེ་བོའི་ཚོགས་ཐམས་ཅད་ནད་མེད་པའི་བདེ་བ་ཐོབ་པར་འགྱུར་བ་རྣམ་པ་དེ་ལྟ་བུའི་ཏིང་ངེ
402b6 འཛིན་ལ་ཁོ་བོ་སྙོམས་པར་ཞུགས་ཏེ། གྲོང་ཁྱེར་དུ་འཇུག་པར་བྱའོ།། ཚེ་དང་ལྡན་པ་ཀུན་དགའ་བོས་སྨྲས་པ། གང་གིས་གྲོང་ཁྱེར་དུ་སྐྱེ་བོའི་ཚོགས་ཐམས་ཅད་ལ་སྔོན་མ་ཐོས་པའི་ཆོས་རྣམས
402b7 མངོན་དུ་འགྱུར་བ་རྣམ་པ་དེ་ལྟ་བུའི་ཏིང་ངེ་འཛིན་ལ་ཁོ་བོ་སྙོམས་པར་ཞུགས་ཏེ། གྲོང་ཁྱེར་དུ་འཇུག་པར་བྱའོ།། འཇམ་དཔལ་གཞོན་ནུར་གྱུར་པས་སྨྲས་པ། ཅི་ནས་ཀྱང་གང་གིས་གྲོང་ཁྱེར་ན་སྒོ་དང
iiif viewer powered by OpenSeadragon
