| e-texts navigator |
| Wylie |
368b1 བུ་མོ་བྱང་ཆུབ་སེམས་དཔའ་ཆོས་བཞི་དང་ལྡན་ན། བདུད་ཀྱི་ལས་མེད་པར་འགྱུར་ཏེ། བ་ནི་གང་ཞེ་ན། འདི་ལ་སྟེ། ཆོས་ཐམས་ཅད་མཉམ་པ་ཉིད་དུ་བསྒོམ་པ་དང་། བརྩོན་འགྲུས་བརྩམ་པ་དང་། སངས
368b2 རྒྱས་རྗེས་སུ་དྲན་པ་བསྒོམ་པ་དང་། དགེ་བའི་རྩ་བ་ཡོངས་སུ་བསྔོ་བ་སྟེ། བུ་མོ་བྱང་ཆུབ་སེམས་དཔའ་ཆོས་བཞི་པོ་དེ་དག་དང་ལྡན་ན། བདུད་ཀྱི་ལས་མེད་པར་འགྱུར་རོ།། དེ་ལ་འདི་སྐད་ཅེས་བྱ་སྟེ།
368b3 ཆོས་རྣམས་ལ་ནི་ཆོས་ཀྱི་ཚུལ་རྟོགས་ལ།། བརྩོན་འགྲུས་གནས་ཤིང་སངས་རྒྱས་རྗེས་སུ་དྲན།། ཡོངས་སུ་བསྔོ་ཞིང་བཤགས་དང་ཕྱག་འཚལ་བ།། དེ་ལ་བདུད་ཀྱིས་གླགས་ནི་རྙེད་མི་འགྱུར།། བུ་མོ་བྱང་ཆུབ
368b4 སེམས་དཔའ་ཆོས་བཞི་དང་ལྡན་ན། འཆི་བའི་དུས་ཀྱི་ཚེ་མདུན་དུ་སངས་རྒྱས་བཞུགས་ཤིང་། དེ་ལས་ཆོས་ཀྱང་ཉན་ལ་སྡུག་བསྔལ་ཡང་མྱོང་བར་མི་འགྱུར་ཏེ། བཞི་གང་ཞེ་ན། འདི་ལྟ་སྟེ། གཞན
368b5 དག་གི་བསམ་པ་ཡོངས་སུ་རྫོགས་པར་བྱེད་པ་དང་། མོས་པ་མང་བ་དང་། བྱང་ཆུབ་སེམས་དཔའི་སྦྱིན་པ་བཀོད་པ་སྣ་ཚོགས་ཉེ་བར་སྒྲུབ་པ་དང་། དཀོན་མཆོག་གསུམ་མཆོད་པ་ལ་བརྩོན་པ་སྟེ།
368b6 བུ་མོ་བྱང་ཆུབ་སེམས་དཔའ་ཆོས་བཞི་པོ་དེ་དག་དང་ལྡན་ན། འཆི་བའི་དུས་ཀྱི་ཚེ་མདུན་དུ་སངས་རྒྱས་བཞུགས་ཤིང་། དེ་ལས་ཆོས་ཀྱང་ཉན་ལ་སྡུག་བསྔལ་ཡང་མྱོང་བར་མི་འགྱུར་རོ།། དེ་ལ་འདི་སྐད
368b7 ཅེས་བྱ་སྟེ། དེ་ནི་གཞན་གྱི་བསམ་པ་རྫོགས་བྱེད་ཅིང་།། མོས་པ་དང་ནི་སྦྱིན་པ་རྒྱ་ཆེ་བ།། མཁས་པ་དེ་ནི་རྟག་ཏུ་སྦྱིན་པར་བྱེད།། དེ་ཕྱིར་དེ་མདུན་དེ་བཞིན་གཤེགས་པ་བཞུགས།། དེ་སྐད་ཅེས་བཀའ
iiif viewer powered by OpenSeadragon
