| e-texts navigator |
| Wylie |
368a1 བུ་མོ་བྱང་ཆུབ་སེམས་དཔའ་ཆོས་བཞི་དང་ལྡན་ན། ཚིག་བཙུན་པར་འགྱུར་ཏེ། བཞི་གང་ཞེ་ན། འདི་ལྟ་སྟེ། ཇི་སྐད་སྨྲས་པ་དེ་བཞིན་བྱེད་པ་དང་། མཛའ་བོ་དག་ལ་ཡོད་པའི
368a2 རང་བཞིན་མི་འཆབ་པ་དང་། ཀླན་ཀ་མི་ཚོལ་བར་ཆོས་ཉན་པ་དང་། གཞན་ཆོས་སྨྲ་བ་དག་ལ་འཕྱ་སྒྱུར་མི་བྱེད་པ་སྟེ། བུ་མོ་བྱང་ཆུབ་སེམས་དཔའ་ཆོས་བཞི་པོ་དེ་དག་དང་ལྡན་ན། ཚིག་བཙུན་པར་འགྱུར་རོ།།
368a3 དེ་ལ་འདི་སྐད་ཅེས་བྱ་སྟེ། ཇི་སྐད་སྨྲས་པ་དེ་བཞིན་བྱེད་པ་དང་།། མཛའ་ལ་ཡོད་པའི་རང་བཞིན་མི་འཆབ་ཅིང་།། ཀླན་ཀ་མི་ཚོལ་ཆོས་ནི་ཉན་བྱེད་ན།། འཇིགས་པ་མེད་ཅིང་ཚིག་ཀྱང་བཙུན་པར་འགྱུར།། བུ
368a4 མོ་བྱང་ཆུབ་སེམས་དཔའ་ཆོས་བཞི་དང་ལྡན་ན། ལས་ཀྱི་སྒྲིབ་པ་མེད་པར་འགྱུར་ཞིང་ཡོངས་སུ་དག་པའང་མྱུར་དུ་རྟོགས་པར་འགྱུར་ཏེ། བཞི་གང་ཞེ་ན། འདི་ལྟ་སྟེ། ལྷག་པའི་བསམ་པ་བསྒྲུབས་པས
368a5 སྡོམ་པ་གསུམ་ཡང་དག་པར་ལེན་པ་དང་། མདོ་སྡེ་ཟབ་མོ་རྣམས་མི་སྤོང་བ་དང་། སེམས་དང་པོ་བསྐྱེད་པའི་བྱང་ཆུབ་སེམས་དཔའ་ལ་ཐམས་ཅད་མཁྱེན་པ་ཉིད་དུ་འདུ་ཤེས་བསྐྱེད་པ་དང་། སེམས་ཅན་ཐམས
368a6 ཅད་ལ་བྱམས་པ་བསྒོམ་པ་སྟེ། བུ་མོ་བྱང་ཆུབ་སེམས་དཔའ་ཆོས་བཞི་པོ་དེ་དག་དང་ལྡན་ན། ལས་ཀྱི་སྒྲིབ་པ་མེད་པར་འགྱུར་ཞིང་ཡོངས་སུ་དག་པའང་མྱུར་དུ་རྟོགས་པར་འགྱུར་རོ།། དེ་ལ་འདི་སྐད་ཅེས
368a7 བྱ་སྟེ། ལྷག་པའི་བསམ་པས་སྡོམ་པ་གསུམ་ལ་གནས།། མདོ་སྡེ་ཟབ་མོ་རྣམས་ལ་རྟག་ཏུ་མོས།། སངས་རྒྱས་སྲས་ལ་ཐམས་ཅད་མཁྱེན་ལྟར་ལྷ།། སེམས་ཅན་རྣམས་ལ་བྱམས་པས་ལས་དག་འགྲུར
iiif viewer powered by OpenSeadragon
