| e-texts navigator |
| Wylie |
367b1 རྫུས་ཏེ་སྟེ།། བུ་མོ་བྱང་ཆུབ་སེམས་དཔའ་ཆོས་བཞི་དང་ལྡན་ན། རྫུ་འཕྲུལ་གྱིས་སངས་རྒྱས་ཀྱི་ཞིང་ནས་སངས་རྒྱས་ཀྱི་ཞིང་དུ་འགྲོ་བར་འགྱུར་ཏེ། བཞི་གང་ཞེ་ན། འདི་ལྟ་སྟེ། གཞན་དག་གི་དགེ
367b2 པའི་རྩ་བའི་བར་ཆད་མི་བྱེད་པ་དང་། གཞན་དག་ཆོས་ཉན་པ་ལ་བར་ཆད་མི་བྱེད་པ་དང་། དེ་བཞིན་གཤེགས་པའི་མཆོད་རྟེན་དག་ལ་མར་མེ་འབུལ་བ་དང་། ཏིང་ངེ་འཛིན་སྒོམ་པ་སྟེ། བུ་མོ་བྱང་ཆུབ་སེམས
367b3 དཔའ་ཆོས་བཞི་པོ་དེ་དག་དང་ལྡན་ན། རྫུ་འཕྲུལ་གྱིས་སངས་རྒྱས་ཀྱི་ཞིང་ནས་སངས་རྒྱས་ཀྱི་ཞིང་དུ་འགྲོ་བར་འགྱུར་རོ།། དེ་ལ་འདི་སྐད་ཅེས་བྱ་སྟེ། དགེ་བ་དག་གི་བར་ཆད་མི་བྱེད་དང་།། གཞན་གྱི་ཆོས
367b4 གཏན་དག་ལ་མི་སྨོད་དང་། ། རྒྱལ་བའི་མཆོད་རྟེན་དག་ལ་མར་མེ་འབུལ།། ཏིང་འཛིན་བསྒོམས་པས་དེ་ནི་ཞིང་དུ་འགྲོ།། བུ་མོ་བྱང་ཆུབ་སེམས་དཔའ་ཆོས་བཞི་དང་ལྡན་ན། དགྲ་ཟླ་མེད་པར་འགྱུར་ཏེ།
367b5 བཞི་གང་ཞེ་ན། འདི་ལྟ་སྟེ། གཡོ་མེད་པར་དགེ་བའི་བཤེས་གཉེན་དག་ལ་རྟེན་པ་དང་། དགེ་བའི་རྩ་བ་ལ་སེར་སྣ་མི་བྱེད་པ་དང་། གཞན་གྱི་རྙེད་པ་ལ་དགའ་བ་དང་། བྱང་ཆུབ་སེམས་དཔའ་རྣམ
367b6 ཀྱི་བྱ་བ་དང་། གནས་པ་ཐམས་ཅད་ལ་ཁོང་ཁྲོ་བར་མི་བྱེད་ཅིང་། མི་སྙན་པ་མི་སྒྲོགས་པ་སྟེ། བུ་མོ་བྱང་ཆུབ་སེམས་དཔའ་ཆོས་བཞི་པོ་དེ་དག་དང་ལྡན་ན། དགྲ་ཟླ་མེད་པར་འགྱུར་རོ།། དེ་ལ་འདི
367b7 སྐད་ཅེས་བྱ་སྟེ། དགེ་བའི་བཤེས་གཉེན་རྣམས་ལ་དེ་གཡོ་མེད།། གཞན་གྱི་རྙེད་པ་དགའ་ཞིང་སེར་སྣ་མེད།། བྱང་ཆུབ་སེམས་དཔའི་སྤྱོད་ལ་མི་སྨོད་ན།། རྟག་ཏུ་དགྲ་ཟླ་མེད་པར་སྤྱོད་པར་འགྱུར།།
iiif viewer powered by OpenSeadragon
