| e-texts navigator |
| Wylie |
367a1 སེམས་ཅན་རྣམས་སངས་རྒྱས་ཀྱི་བྱང་ཆུབ་ཡང་དག་པར་འཛིན་དུ་འཇུག་ཅིང་འཇོག་པར་བྱེད་པ་སྟེ། བུ་མོ་བྱང་ཆུབ་སེམས་དཔའི་ཆོས་བཞི་པོ་དེ་དག་དང་ལྡན་ན། འཁོར
367a2 མི་ཕྱེད་པར་འགྱུར་རོ། ། དེ་ལ་འདི་སྐད་ཅེས་བྱ་སྟེ། ཕྲ་མ་དེ་བཞིན་ལོག་པར་ལྟ་བ་སྤོང་།། དམ་ཆོས་འཇིག་པའི་ཚེ་ན་སྲུང་བར་བྱེད།། སེམས་ཅན་བྱང་ཆུབ་ཡང་དག་འཛིན་འཇུག་ན།། འཁོར་རྣམས
367a3 མི་ཕྱེད་ཕུན་སུམ་ཚོགས་པར་འགྱུར། ། བུ་མོ་བྱང་ཆུབ་སེམས་དཔའ་ཆོས་བཞི་དང་ལྡན་ན། སངས་རྒྱས་བཅོམ་ལྡན་འདས་རྣམས་ཀྱི་ཐད་དུ། རིན་པོ་ཆེ་ཆེན་པོའི་པདྨ་ལས་རྫུས་ཏེ་སྐྱེ་བར་འགྱུར་ཏེ།
367a4 བཞི་གང་ཞེ་ན། འདི་ལྟ་སྟེ། ཕྱེ་མ་འམ། མེ་ཏོག་ཨུཏྤ་ལ་འམ། ཀུ་མུ་ད་འམ། པདྨ་དཀར་པོས་ལག་པ་བཀང་སྟེ། དེ་བཞིན་གཤེགས་པའི་སྐུ་གཟུགས་སམ། དེ་བཞིན་གཤེགས་པའི
367a5 མཆོད་རྟེན་ལ་འབུལ་བ་དང་། གཞན་དག་ལའང་གནོད་སེམས་མི་སྐྱེད་པ་དང་། དེ་བཞིན་གཤེགས་པའི་སྐུ་གཟུགས་པདྨའི་གདན་ལ་བཞུགས་པ་བྱེད་དུ་འཇུག་པ་དང་། སངས་རྒྱས་ཀྱི་བྱང
367a6 ཆུབ་ལ་ངེས་པ་རྒྱ་ཆེར་མོས་པ་སྟེ། བུ་མོ་བྱང་ཆུབ་སེམས་དཔའི་ཆོས་བཞི་པོ་དེ་དག་དང་ལྡན་ན། སངས་རྒྱས་བཅོམ་ལྡན་འདས་རྣམས་ཀྱི་ཐད་དུ། རིན་པོ་ཆེ་ཆེན་པོའི་པདྨ་ལས་རྫུས་ཏེ་སྐྱེ་བར
367a7 འགྱུར་རོ། ། དེ་ལ་འདི་སྐད་ཅེས་བྱ་སྟེ། ཕྱེ་མ་མེ་ཏོག་བཀང་སྟེ་འབུལ་བ་དང་།། གནོད་སེམས་སྤོང་ཞིང་སྐུ་གཟུགས་བྱེད་པ་དང་།། མོས་པ་རྒྱ་ཆེན་ལ་ནི་གནས་བྱེད་ན།། རྒྱལ་བ་དག་གི་ཐད་དུ།
iiif viewer powered by OpenSeadragon
