| e-texts navigator |
| Wylie |
364b1 ཁྲིམས་ཅན་དག་བསླུས་བྱས་ནས། ། ཕྱིས་ནི་ངན་འགྲོར་འགྲོ་བར་འགྱུར།། ཤེས་རབ་ཅར་གྱིས་དལ་རྙེད་ཅིང་།། དེ་འདྲའི་ཆོས་ནི་ཐོས་གྱུར་ནས།། འདོད་ཀུན་སྤངས་ནས་འདི་ལ་ནི།། མཁས་པ་མངོན་བྱུང་རབ་བྱུང་།།
364b2 ཞིག། རྒྱལ་པོ་ཆེན་པོ་སྐྱེས་པ་འདོད་པ་ལ་རྟེན་པ་རྣམས་ཀྱི་སྐྱོན་ནི་དེ་དག་ཡིན་ཏེ། འདོད་པའི་གཞི་དང་། འདོད་པའི་རྒྱུ་དང་། འདོད་པ་ལ་ལྷག་པར་ཞེན་པ་རྣམས་ནི། སེམས་ཅན་དམྱར
364b3 བ་པ་རྣམས་ཀྱི་ཚོར་བ་མྱོང་བར་འགྱུར་རོ། ། རྒྱལ་པོ་ཆེན་པོ་དེ་ལྟ་བས་ན། ཁྱོད་ཀྱིས་རྟག་པར་རྒྱུན་དུ་སངས་རྒྱས་རྗེས་སུ་དྲན་པ་བསྒོམ་པར་བྱའོ།། ཁྱོད་ཀྱིས་ལུས་སུ་གཏོགས་པའི་སེམས་རྗེས་སུ་དྲན་པ
364b4 བསྒོམ་པར་བྱའོ། ། དེ་ལྟར་བཅོམ་ལྡན་འདས་ཀྱིས། བད་སའི་རྒྱལ་པོ་འཆར་བྱེད་ལ་དེ་ལྟ་དེ་ལྟར་ཆོས་སྟོན་པར་མཛད་དེ། ཆོས་བསྟན་པ་དེས་བད་སའི་རྒྱལ་པོ་འཆར་བྱེད། དེ་བཞིན་གཤེགས་པ་ལ
364b5 དགའ་བ་དང་། རབ་ཏུ་དགའ་བ་དང་། མཆོག་ཏུ་དགའ་བ་ཐོབ་པར་གྱུར་ཏོ།། དེ་ནས་བཅོམ་ལྡན་འདས་ལ། བད་སའི་རྒྱལ་པོ་འཆར་བྱེད་ཀྱིས་འདི་སྐད་ཅེས་གསོལ་ཏོ།། བཅོམ་ལྡན་འདྲ
364b6 ཇི་ཙམ་དུ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྐྱེས་པ་དང་བུད་མེད་རྣམས་ཀྱི་སྐྱོན་བསམ་གྱིས་མི་ཁྱབ་པའི་བར་དེ་དག་བཀའ་སྩལ་ཅིང་ལེགས
364b7 པར་གསུངས་པ་ནི་ངོ་མཚར་ལགས་སོ། ། བཅོམ་ལྡན་འདས་བདག་ནི་བཅོམ་ལྡན་འདས་དང་། ཆོས་དང་། དགེ་སློང་གི་དགེ་འདུན་ལ་སྐྱབས་སུ་མཆི་སྟེ། མཚོན་ཆ་སྤངས་ཤིང་། དབྱུག་པ་སྤངས་ལ
iiif viewer powered by OpenSeadragon
