| e-texts navigator |
| Wylie |
360b1 ཀྱང་བཟོད་པར་བྱེད་དེ། དེ་སྐྱེས་པར་གྱུར་ཀྱང་བུད་མེད་ཀྱིས་བསྡིགས་པ་དང་དུ་ལེན་ཅིང་མི་དགའ་བ་མེད་པ། དེའི་ངོར་ལྟ་བར་བྱེད་པ་ནི་འདོད་པའི་གཞིས་བུད་མེད་ཀྱི་དབང་དུ་སོང་བ་ཡིན་ཏེ།།
360b2 རྒྱལ་པོ་ཆེན་པོ་བུད་མེད་ལ་རྟེན་ཅིང་ངན་འགྲོར་འགྲོ་བར་འཇུག་པ་དེ་ནི། སྐྱེས་པ་བུད་མེད་ལ་བརྐམ་ཞིང་ངན་སྐྱུགས་ཀྱི་སྒོ་ལ་གདུ་བ་དང་། མི་གཙང་བ་ལ་དགའ་བ་དང་། ཤེས་བཞིན་མེད་པར
360b3 སྤྱོད་པའི་སྐྱེས་པའི་སྐྱེས་བུའི་སྐྱོན་བཞི་པ་ཡིན་ཏེ། རྒྱལ་པོ་ཆེན་པོ་སྐྱོན་དེ་དག་དང་ལྡན་པའི་སྐྱེས་པ་ནི། འདོད་པ་རྣམས་ཀྱི་དབང་དུ་འགྲོ་བ་ཡིན་ནོ།། དེ་ནས་དེའི་ཚེ་བཅོམ་ལྡན
360b4 འདས་ཀྱིས་ཚོགས་སུ་བཅད་པ་འདི་དག་བཀའ་སྩལ་ཏོ། ། འདོད་པ་རྣམས་ནི་ཚོལ་བ་ན།། རབ་ཏུ་མྱོས་པ་ག་ལ་བདེ།། འདོད་པ་དམན་པ་རྣམས་སྟེན་པ།། དེ་ནི་གང་གིས་བདེ་བར་འགྱུར།། སྐྱེས
360b5 བུ་དམ་པ་མ་ཡིན་པའི། ། ལས་རྣམས་བྱེད་ཅིང་མི་སྡོམ་ལ།། འདོད་པའི་འདོད་ཆགས་ཚོལ་བྱེད་པ།། དེ་དག་རབ་ཉམས་ཆུད་ཀྱང་ཟ།། མི་རྣམས་གང་དག་མི་མཁས་པ།། རྔ་མོ་བོང་བུའི
360b6 ཆོས་སྤྱོད་ཅིང་། ། བུད་མེད་མཐོང་ན་རབ་བསྙེགས་པ།། ངན་སྤྱུགས་གནས་ལ་ཕག་རྣམས་བཞིན།། གང་ལ་བྱིས་པ་གུས་བཅས་པའི།། འདོད་རྣམས་དྲིང་མི་གཙང་ཡང་།། འདོད་པའི
360b7 སྐྱོན་རྣམས་མི་མཐོང་བ། ། ས་ཡི་སྟེང་ན་དམུས་ལོང་བཞིན།། གཟུགས་ཀྱི་འཆིང་བས་བཅིངས་པ་རྣམས།། འདོད་པའི་འདུ་ཤེས་རབ་ཏུ་འཇུག། བྱིས་པ་འདོད་རྣམས་སྟེན་པ་དག།
iiif viewer powered by OpenSeadragon
