| e-texts navigator |
| Wylie |
358a1 དཀའ་བ་བྱེད་བྱེད་པ་སྦྱིན་པའི་གནས་ལ། རྟག་ཏུ་རྒྱུན་མི་འཆད་པར་ཡང་དག་པའི་བདེ་བས་བསྟི་སྟང་དུ་བྱ། བླ་མར་བྱ། རྗེད་པར་བྱ། མཆོད་པར་བྱ་བའི་རིགས་ན།
358a2 དེས་དེའི་ཚེ་ཕ་མ་དག་རང་གི་ཁྱིམ་ནས་ཕྱུང་སྟེ་བསྤད་ནས། གཞན་གྱི་ཁྱིམ་ནས་བླངས་པའི་བུད་མེད་ལ་བཟའ་བ་དང་། བཏུང་བ་དང་། གོས་རྣམས་ཀྱིས་བསྙེན་བཀུར་བྱེད་ཅིང་བསྟི་སྟང་དུ་བྱེད།། གཅེས
358a3 སུ་བྱེད། རིམ་གྲོ་བྱེད་ལ་མཆོད་པར་བྱེད་ཅིང་། ཡང་དག་པའི་བདེ་བས་བསྙེན་བཀུར་བྱེད་ཀྱི། ཕ་མ་ལ་ནི་མི་བྱེད་པའི་མིའི་སྙིང་བརྩེ་བ་མེད་པ་དང་། མི་ལྟ་བ་དང་། ངན་པའི་སེམས་དང་ལྡན་པ་ལ
358a4 ལྟོས་རྒྱལ་པོ་ཆེན་པོ་དེས་བདེ་འགྲོར་འགྲོ་བའི་ཆོས་གང་ཡིན་པ་དེ་ནི་སྤངས་ལ། ངན་འགྲོར་འགྲོ་བའི་ཆོས་གང་ཡིན་པ་དེ་ནི་ཡང་དག་པར་བླངས་ཏེ་འདུག་པའི་མི་དེ་ལའང་ལྟོས། རྒྱལ་པོ་ཆེན་པོ
358a5 བུད་མེད་ཀྱི་དབང་དུ་སོང་ནས། འདོད་པ་རྣམས་ལ་རྟེན་ཅིང་ཕ་མ་ལ་བརྙས་པ་དང་། ངན་འགྲོར་འགྲོ་བར་འཇུག་པ་དོན་སླུ་བའི་སྦུ་བུའི་སྐྱོན་གཉིས་པ་ཡིན་ནོ།། དེ་ནས་དེའི་ཚེ་བཅོམ
358a6 ལྡན་འདས་ཀྱིས་ཚིགས་སུ་བཅད་པ་འདི་དག་བཀའ་སྩལ་ཏོ། ། གང་དག་པ་མ་རྒས་པ་གསོ་བར་བྱེད་པ་ནི།། དེ་དག་རྟག་ཏུ་བདེ་ཞིང་ཡིད་ཀྱང་བདེར་འགྱུར་ལ།། འདི་ལ་ལྷ་དང་བཅས་པ་དང་ནི་དང
358a7 པོ་དང་། ། དེ་བཞིན་འདི་ལ་ཚངས་པར་བཅས་པའི་རིགས་སུ་འགྱུར།། གང་དག་ཕ་མ་རྒས་པ་གསོ་བར་བྱེད་པ་ནི།། དེ་དག་སོ་ན་ཕྱིར་འོང་བ་ཡང་འགྲུབ་འགྱུར་ཞིང་།། རྒྱ་མཚོ་ཆེན་པོ་ནས་ཀྱང་བདེ
iiif viewer powered by OpenSeadragon
