| e-texts navigator |
| Wylie |
357a1 ཡིན་པས་འཇིག་རྟེན་རབ་ཏུ་འཛུད་པར་བྱེད། ། གཞི་དེ་ལས་ནི་མཚོན་ཆ་དག་དང་ལྕུག་རྣམས་དང་།། དེ་བཞིན་བཅིང་བ་དང་ནི་འཐབ་ཅིང་རྩོད་པ་དང་།། ངེས
357a2 པར་འཆི་བའི་སྡུག་བསྔལ་རབ་ཏུ་མྱོང་བར་འགྱུར། ། ཤི་འཕོས་ནས་ནི་མནར་མེད་འཇིགས་སུ་རུང་བར་འགྲོ།། ཚེ་འདི་ཉིད་ལ་དེ་བཞིན་སྡུག་བསྔལ་འབྱུང་འགྱུར་ཞིང་།། ནོར་ཉམས
357a3 སྙིང་དུ་སྡུག་པ་རབ་ཏུ་འཇིག་འགྱུར་ལ། ། མཐོ་རིས་ཉམས་ཤིང་དམྱལ་བར་རབ་ཏུ་ལྟུང་བས་ན།། མཁས་པ་སུ་ཞིག་འདོད་པའི་འདུ་ཤེས་སྐྱེད་པར་བྱེད།། ལྕགས་ལས་གྲུབ་པའི་ནགས
357a4 ཚལ་སྔོན་པོའི་ཁྲོད་དག་ཏུ། ། མཁས་པས་བདག་ཉིད་རབ་ཏུ་བོར་བ་དེ་བླ་ཞིང་།། མཛངས་པ་སྤུ་གྲིའི་སོ་ཡིས་བཅད་པ་བྱས་བླ་ལ།། རལ་གྲི་དག་གི་ཁྲོད་དུ་མལ་ཡང་བཅས་བླ་ཞིང
357a5 རབ་ཏུ་མེ་འབར་ཐུ་ལུམ་བཟུང་བ་དེ་བླ་ལ། ། དེ་བཞིན་ལྕགས་ཀྱི་ཐུ་ལུམ་འབར་བ་ཟ་བླ་ཞིང་།། མེ་དོང་འཇིགས་སུ་རུང་བ་རྣམས་ལ་རེག་བླ་ཡི།། ལག་པ་གཉིས་ཀྱིས་ནམ་ཡང་བུད་མེད
357a6 རེག་མི་བྱ། ། མིས་ནི་ཇི་ལྟ་ཇི་ལྟར་འདོད་པ་རྣམས་བསྟེན་པ།། དེ་ལྟ་དེ་ལྟར་བདེ་བ་ཐམས་ཅད་རབ་སྤོང་ཞིང་།། འདི་ལྟར་འདོད་རྣམས་གཅིག་ཏུ་སྡུག་བསྔལ་མི་གཙང་བས།། འདོད་པ་སྲུག
357a7 བསྔལ་མི་གཙང་བ་དག་རྣམ་པར་སྤོངས། ། འདོད་པ་སྡུག་བསྔལ་ཀུན་གྱི་གཞི་པོར་གྱུར་པ་དང་།། གང་ཕྱིར་ནོར་ནི་ཅུང་ཟད་འགྱུར་བར་བྱེད་པ་དང་།། ཡིད་འོང་སྐྱེ་བོ་རྣམས་ཀྱི་ཉམས་པའི་རྩ
iiif viewer powered by OpenSeadragon
