| e-texts navigator |
| Wylie |
356b1 དོན་མེད་འཚོ་བ་རྣམ་པར་སྤངས་ནས་ནི། ། མི་བཟད་གཡང་ས་ཆེན་པོར་རབ་ཏུ་ལྷུང་བར་འགྱུར།། ང་རྒྱལ་རྨོངས་པས་བཅོམ་པའི་སྐྱེ་དགུ་འདི་དག་ནི།། རྒྱ་མཚོའི་ཕ་རོལ་མ་མཐོང་བ་ཡི་བྱ་བཞིན་དུ།།
356b2 ལྕགས་ཀྱི་མེ་ལྕེ་ལྔ་པོ་དག་ལ་ཆགས་གྱུར་ནས།། བྱིས་པ་རྣམས་ནི་རབ་འབར་ཞིང་ཁྱམ་པར་འགྱུར།། འདི་ན་བྱིས་པ་མྱོས་ཤིང་ཤིན་ཏུ་རྨོངས་པ་རྣམས།། ཤེལ་དུ་མི་མཐོང་སྣོད་མཆོག་ཡིན་པར
356b3 སེམས་པ་ལྟར། ། ལམ་ལ་རྣམ་པར་རྨོངས་རྣམས་འདོད་པའི་ཆེད་ཀྱི་ཕྱིར།། རྟག་ཏུ་འདིར་གནས་འདི་ནི་གྱ་ནོམ་ཡིན་ཞེས་འཛེར།། གང་ཕྱིར་རྣམ་པ་སྣ་ཚོགས་ལས་དག་མི་ཤེས་པས།།
356b4 འགྲོ་བ་ཐམས་ཅད་རབ་ཉམས་གུས་པ་ཡོད་མིན་པས།། ཕ་དང་མ་དང་བུ་དང་བུ་མོ་དག་ལ་ནི།། དོན་གྱིས་མཆོད་པ་མི་བྱེད་གནོད་པ་ཐོབ་པ་ཡིན།། དེ་དག་རྟག་དུ་བུད་མེད་འདྲིས་པ་རྗོད་བྱེད་ཅིང་།།
356b5 དེ་འདྲའི་ལས་ཀྱི་ཚུལ་ལ་རབ་དུ་འཇུག་པར་བྱེད།། དེ་དག་གཏི་མུག་དྲ་བ་སྡིག་པ་རབ་སོགས་ཤིང་།། ངན་སོང་འགྲོ་བར་འགྱུར་བའི་ལམ་ཡང་སོགས་པར་བྱེད།། མི་རྣམས་དེ་དག་དེར་ཆགས
356b6 བདེ་བར་འདུ་ཤེས་ཤིང་། ། པ་དང་མ་ཡང་ཡོངས་སུ་རབ་ཏུ་སྤོང་བར་བྱེད།། དེ་དག་མཆོད་འོས་རྣམས་ལ་མཆོད་པར་མི་བྱེད་ཅིང་།། སྨད་པར་འོས་པའི་འདོད་པ་དག་ནི་ཚོལ་བར་བྱེད།།
356b7 ཕན་ཚུན་གདུང་བར་འགྱུར་བ་ལ་ནི་གཞོལ་བྱེད་ཅིང་།། རྣམ་རྟོག་མུ་ཡིས་ངེས་བཅོམ་མི་རྣམས་ཉོན་མོངས་པ།། བཀུར་སྟི་ཡོངས་སུ་ཚོལ་ལ་དགའ་ཞིང་མ་འཕགས་རྣམས།། ཆོས་མ
iiif viewer powered by OpenSeadragon
