| e-texts navigator |
| Wylie |
356a1 མཐོང་ནས་རྒྱུག་པ་ཅི་འདྲ་དང་། ། ཁྱི་ནི་ཤ་ཡི་དོན་དུ་ཤེ་ན་སར་འགྲོ་བ་ལྟར།། དེ་བཞིན་མི་མཁས་བུད་མེད་དག་ལ་དགའ་བར་བྱེད།། གྲགས་པ་མེད་ཅིང་མི་སྙན
356a2 ཡོན་ཏན་འབྲི་བ་དང་། ། དེ་ལ་ཚུལ་ཁྲིམས་དམ་པ་ཉམས་པར་འགྱུར་བ་དང་།། མཐོ་རིས་ཉམས་ཤིང་དམྱལ་བ་དག་ཏུ་ལྷུང་བས་ན།། མཁས་པ་སུ་ཞིག་འདོད་པའི་སྐོམ་ལ་རྟེན་པར
356a3 བྱེད། ། ཇི་ལྟར་ཧ་ལ་ཧ་ལའི་དུག་ནི་ཟོས་པ་ན།། ལུས་དག་རྨྱ་ཞིང་རྨོངས་པ་སྐྱེ་བར་འགྱུར་བ་ལྟར།། དེ་བཞིན་འདི་ན་བྱིས་པ་རྣམས་ནི་འདོད་པའི་རྒྱུས།། རང་གི་ལུས་ཀྱི་དབྱིབས་ན་དུག
356a4 ཏུ་མི་རིག་གོ། ། ཇི་ལྟར་སྒྱུ་མ་ཤིན་དུ་བསླབས་པའི་མི་ཞིག་གིས།། རྣམ་པར་འཕྲུལ་པས་སེམས་ཅན་བརྒྱ་དག་དགའ་བྱེད་ལྟར།། དེ་བཞིན་བྱིས་པ་བདག་ལ་བདེ་བར་འདོད་པ་རྣམས།། འདོད།
356a5 པའི་དགའ་བའི་རྒྱུ་ལས་ངན་འགྲོར་རབ་ཏུ་ལྷུང་།། ཟས་སྐོམ་སྟོན་མོ་བཟང་པོ་ཐ་དད་པ་དག་དང་།། གླུ་བྲོ་སིལ་སྙན་བཟང་པོ་ཐ་དད་པ་དག་གིས།། ཁང་པ་མཆོག་ནས་བྱུང་བའི་ཆུང་མ་ལེན་པ་ནི།
356a6 གནོད་པ་རྙེད་པ་ཡིན་ཞིང་སྡུག་བསྔལ་སོགས་པ་ཡིན།། འདོད་པའི་དགའ་ལ་བརྐམ་པ་དག་ནི་གནོད་ཡིན་ཏེ།། མི་གཙང་མཚོན་འདྲ་རྨོངས་འགྱུར་དག་ལ་བསྔགས་བརྗོད།། འདོད་པ་དམན་པ་དག
356a7 བསྔགས་ཤིང་བརྟེན་ནས་ནི། ། དམན་པ་དེ་དག་ངན་འགྲོར་རབ་དུ་ལྷུང་བར་འགྱུར།། གནོད་པ་འདོད་པ་དག་གིས་ཡུལ་རྣམས་རབ་བསྔགས་ཤིང་།། འདོད་པ་གནོད་པ་ཡིན་ལ་དགའ་བའི་བྱིས་པ་རྣམས།། དེ
iiif viewer powered by OpenSeadragon
