| e-texts navigator |
| Wylie |
354a1 བུད་མེད་དེ་ནི་བདག་སེམས་ཅན་དམྱལ་བར་མཆི་བར་བགྱིད་འཚལ་བ་ལགས་པས། བཅོམ་ལྡན་འདས་ལས་བདག་དོན་དེ་ཉིད་ཉན་པར་འཚལ་བ་ལགས་སོ།། དེ་སྐད།
354a2 ཅེས་གསོལ་པ་དང་། བཅོམ་ལྡན་འདས་ཀྱིས། བད་སའི་རྒྱལ་པོ་འཆར་བྱེད་ལ་འདི་སྐད་ཅེས་བཀའ་སྩལ་ཏོ།། རྒྱལ་པོ་ཆེན་པོ་ཁྱོད་ཀྱིས་རྗེ་རང་གི་སྐྱོན་རྣམས་ཡོངས་སུ་རྔོས
354a3 ཤི་ཀ་དང་། དེ་ནས་ཕྱིས་བུད་མེད་ཀྱི་སྐྱོན་རྣམས་ཡོངས་སུ་རྟོགས་པར་འགྱུར་རོ།། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ། བ་ད་སའི་རྒྱལ་པོ་འཆར་བྱེད་ཀྱིས་འདི་སྐད་ཅེས
354a4 གསོལ་ཏོ། ། བཅོམ་ལྡན་འདས་ལེགས་ལགས་སོ།། ལེགས་ལེགས་སོ།། སྐྱེས་པ་སྐྱོན་ཇི་ལྟ་བུ་དག་དང་ལྡན་ན། སྐྱེས་པ་བུད་མེད་ཀྱི་དབང་དུ་མཆི་བར་འགྱུར་བའི་སྐྱེས་པའི་སྐྱོན་རྣམས།།
354a5 བཅོམ་ལྡན་འདས་ཀྱིས་བདག་ལ་ཡང་དག་པར་རབ་ཏུ་བཤད་དུ་གསོལ།། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། བད་སའི་རྒྱལ་པོ་འཆར་བྱེད་ལ་འདི་སྐད་ཅེས་བཀའ་སྩལ་ཏོ།།
354a6 རྒྱལ་པོ་ཆེན་པོ་དེའི་ཕྱིར་ཁྱོད་ལེགས་པར་ཉོན་ལ་རབ་ཏུ་ཡིད་ལ་ཟུང་ཞིག་དང་། ངས་ཁྱོད་ལ་བཤད་པར་བྱའོ།། བད་སའི་རྒྱལ་པོ་འཆར་བྱེད་ཀྱིས་བཅོམ་ལྡན་འདས་དེ་བཞིན་ནོ་ཞེས
354a7 གསོལ་ཏེ། བཅོམ་ལྡན་འདས་ཀྱི་ལྟར་ཉན་པ་དང་། བཅོམ་ལྡན་འདས་ཀྱིས་དེ་ལ་འདི་སྐད་ཅེས་བཀའ་སྩལ་ཏོ།། རྒྱལ་པོ་ཆེན་པོ་སྐྱེས་པ་སྐྱོན་གང་དག་དང་ལྡན་ན། སྐྱེས་པ་བུད་མེད་ཀྱི་དབང་དུ
iiif viewer powered by OpenSeadragon
