| e-texts navigator |
| Wylie |
353b1 མཆི་བར་བདག་གིས་ཡང་དག་པར་འཚལ་ན། བཅོམ་ལྡན་འདས་བདག་ལ་ཐུགས་བརྩེ་བའི་སླད་དུ། ཅི་ནས་ཀྱང་བདག་སླན་ཆད་བུད་མེད་ཀྱི་དབང་དུ་མཆིས་ནས། སྡིག་པའི་སུག་ལས།
353b2 མངོན་པར་འདུ་བགྱིད་པར་མི་འགྱུར་ཞིང་། སེམས་ཅན་དམྱལ་བར་མི་ལྟུང་བ་དང་། བདག་དང་སེམས་ཅན་ཐམས་ཅད་ལ་ཡུན་རིང་པོའི་དོན་དང་། སྨན་པ་དང་། དེ་བར་འགྱུར་བའི་སླད་དུ།
353b3 བཅོམ་ལྡན་འདས་ཀྱིས་བུད་མེད་ཀྱི་སྐྱོན་དེ་དག་ལེགས་པར་ཡང་དག་པར་རབ་ཏུ་བཤད་ཅིང་། བུད་མེད་ཀྱི་སྤྱོད་པ་རྣམས་དང་། བུད་མེད་ཀྱི་མཚན་མ་རྣམས་དང་། བུད་མེད་ཀྱི་སྒྱུ་རྣམས
353b4 དང་། བུད་མེད་ཀྱི་གཡོ་རྣམས་དང་། བུད་མེད་ཀྱི་གྱ་རྒྱུ་རྣམས་དང་། བུད་མེད་ཀྱི་མི་བརྟན་པ་རྣམས་དང་། བུད་མེད་ཀྱི་འགྱུར་ལོག་རྣམས་དང་། བུད་མེད་ཀྱི་སྟོན་པ་རྣམས་དང་། དུད
353b5 མེད་ཀྱི་ཚིག་རྣམས་དང་། བུད་མེད་ཀྱི་འཁྲུལ་པ་རྣམས་ཡང་དག་པར་རབ་ཏུ་བཤད་དུ་གསོལ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། བད་སའི་རྒྱལ་པོ
353b6 འཆར་བྱེད་ལ་འདི་སྐད་ཅེས་བཀའ་སྩལ་ཏོ། ། རྒྱལ་པོ་ཆེན་པོ་གནས་དེ་ལྟ་བུ་ཡོངས་སུ་ཞུས་པས་ཁྱོད་ལ་ཅི་ཞིག་བྱ། བཅོམ་ལྡན་འདས་ལ། བད་སའི་རྒྱལ་པོ་འཆར་བྱེད་ཀྱིས་ཡང་འདི་སྐད
353b7 ཅེས་གསོལ་ཏོ། ། བཅོམ་ལྡན་འདས་ཅི་ནས་བདག་བུད་མེད་ཀྱི་དབང་དུ་མཆིས་པར་གྱུར་ན། བུད་མེད་ནི་མ་རུངས་པ། ཁོན་ཅན། གཏུམ་མོ།། དྲག་ཤུལ་ཅན་ལགས་ཏེ། བཅོམ་ལྡན་འདས
iiif viewer powered by OpenSeadragon
