| e-texts navigator |
| Wylie |
352a1 ལྟོ་འཕྱེ་ཆེན་པོ་དང་། མི་དང་། མི་མ་ཡིན་པ་རྣམས་ཀྱིས་མདུན་གྱིས་བལྟས་པ་མཐོང་བར་གྱུར་ཏོ།། མཐོང་ནས་ཀྱང་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས
352a2 བཅོམ་ལྡན་འདས་ཀྱི་ཞབས་གཉིས་ལ་གཏུགས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་གིས་སྔོན་མ་མཐོང་བའི་རྨད་དུ་བྱུང་བ་ཞིག་མཐོང་བ། བཅོམ་ལྡན་འདས
352a3 ལ་གསོལ་བར་འཚལ་ན། བཅོམ་ལྡན་འདས་ཀྱིས་བདག་ལ་སྐབས་དབྱེ་བར་ཅི་གནང་། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། བད་སའི་རྒྱལ་པོ་འཆར
352a4 བྱེད་ལ་འདི་སྐད་ཅེས་བཀའ་སྩལ་ཏོ། ། རྒྱལ་པོ་ཆེན་པོ་ཁྱོད་ཀྱིས་ཇི་ལྟར་བཟོད་པ་དེ་ལྟར་སྨྲོས་ཤིག། ཟློས་ཤིག། དེ་ནས་བཅོམ་ལྡན་འདས་ལ། བད་སའི་རྒྱལ་པོ་འཆར་བྱེད་ཀྱིས
352a5 འདི་སྐད་ཅེས་གསོལ་ཏོ། ། བཅོམ་ལྡན་འདས་བདག་འདོད་པའི་རྒྱུ་དང་། འདོད་པའི་གཞི་དང་། འདོད་པ་ལ་ལྷག་པར་ཞེན་པས། དེང་མ་དུའི་བུ་མོ་དཔེ་མེད་ཀྱི་ཚིག་གིས་ཁྲོས་ཤིང་བཇམ
352a6 པས་ཟིལ་གྱིས་ནོན་ནས། བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་ལ་ཐ་བ་དང་ཞེ་སྡང་གི་སེམས་ཀྱང་བསྐྱེད། བཅོམ་ལྡན་འདས་བདག་གིས་མཆིས་བྲང་སྔོ་བསངས་ཅན་བཀུམ
352a7 བའི་སླད་དུ་མདའ་སྟེའུ་ཀ་ཉ་རྔ་མ་ཞིག་འཕངས་ན། དེ་བར་སྣང་ལ་འབར། རབ་ཏུ་འབར། ཀུན་ཏུ་རབ་ཏུ་མཆེད་དེ། འབར་ཞིང་མེ་ལྕེ་གཅིག་ཏུ་གྱུར་ནས། བཟློག
iiif viewer powered by OpenSeadragon
