| e-texts navigator |
| Wylie |
348a1 བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བདུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་རྒྱུ་མ་མཆིས་རྐྱེན་མ་མཆིས་པར་ནི
348a2 དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་འཛུམ་པ་མི་མཛད་ན། འཛུམ་པ་མཛད་པའི་རྒྱུ་གང་ལགས། རྐྱེན་གང་ལགས། དེའི་ཚེ་ཚིགས་སུ་བཅད་པ་འདི་དག
348a3 ཀྱང་གསོལ་ཏོ། ། རྒྱུ་མ་མཆིས་པར་རྣམ་འདྲེན་རྒྱལ་བ་མཆོག། སངས་རྒྱས་སྐྱོབ་པ་འཛུམ་པ་མི་སྟོན་ན།། ཅི་སླད་བཅོམ་ལྡན་ཁྱོད་ཀྱིས་འཛུམ་མཛད་པ།། འཇིག་རྟེན་ཕན་དགོངས་ཐུགས་བརྩེ
348a4 བདག་ལ་གསུངས། ། ཁྱོད་ཀྱིས་ཅི་སླད་དེ་རིང་འཛུམ་བསྟན་གསུངས།། བཀའ་མཆིད་ཆེ་ལྡན་ནོར་མཆོག་སྦྱིན་མཛན་པ།། དབུལ་པོར་གྱུར་པ་ནོར་དང་ལྡན་པར་མཛོད།། འཇིག་རྟེན་ལྗོངས་ལ་མྱུར་དུ་མིག
348a5 ཀྱང་སྩོལ། ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དཀའ་ཟོ་ཁྱོད་ཀྱིས་གང་དག་བླ་ན་མེད་པ་ཡང་དག་པར
348a6 རྫོགས་པའི་བྱང་ཆུབ་ཏུ་སེམས་བསྐྱེད་ནས། དེ་བཞིན་གཤེགས་པའི་གན་དུ་ལྷགས་པའི་ཁྱིམ་བདག་ལྔ་བརྒྱ་ཙམ་འདི་དག་མཐོང་ངམ། གསོལ་པ། བཅོམ་ལྡན་འདས་མཐོང་ལགས་སོ།། བདེ་བར
348a7 གཤེགས་པ་མཐོང་ལགས་སོ། ། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་ཁྱིམ་བདག་ལྔ་བརྒྱ་ཙམ་འདི་དག་གིས་ཆོས་ཀྱི་རྣམ་གྲངས་འདི་ཐོས་ནས་མི་སྐྱེ་བའི་ཆོས་ལ་བཟོད་པ་ཐོབ་སྟེ།
iiif viewer powered by OpenSeadragon
