| e-texts navigator |
| Wylie |
347a1 བྱང་ཆུབ་སེམས་ལ་སུ་དགའ་བ།། དེ་དག་ལུས་ནི་གསེར་འདྲ་ཞིང་།། མཚན་གྱིས་ཤིན་ཏུ་སྦས་པ་དང་།། འཇིག་རྟེན་སྣང་བ་བྱེད་པར་གྱུར།། བྱང་ཆུབ་སེམས་ནི་སེམས།།
347a2 ཆེ་སྟེ།། སེམས་ཀུན་ནང་ན་དགེ་བ་མཆོག། ཡོན་ཏན་ཐམས་ཅད་ཕུན་སུམ་ཚོགས།། ནད་ཀུན་རབ་ཏུ་ཞི་བར་བགྱིད།། སེམས་ཅན་བསོད་ནམས་ཆུང་ངུ་རྣམས།། བྱང་ཆུབ་སེམས་ནི་འད
347a3 མི་བགྱིད། ། འཁོར་བ་ལ་ནི་མི་རྟོག་པ།། བྱང་ཆུབ་སེམས་ཀྱིས་སྐྱོ་བར་འགྱུར།། བྱང་ཆུབ་སེམས་ཀྱི་བསོད་ནམས་གང་།། དེ་ལ་གལ་ཏེ་གཟུགས་མཆིས་ན།། ནམ་མཁའི་ཁམས་ནི་ཀུན་གང
347a4 སྟེ། ། དེ་ནི་དེ་བས་ལྷག་པར་འགྱུར།། གངྒཱའི་བྱེ་མའི་གྲངས་སྙེད་ཀྱི།། སངས་རྒྱས་ཞིང་རྣམས་མི་གང་གིས།། རིན་ཆེན་དག་གིས་རབ་བཀང་སྟེ།། འཇིག་རྟེན་མགོན་ལ་ཕུལ་བ་བས།།
347a5 གང་གིས་ཐལ་མོ་སྦྱར་བགྱིས་ཏེ།། བྱང་ཆུབ་ཏུ་ནི་སེམས་བཏུད་ན།། མཆོད་པ་འདི་ནི་ཁྱད་པར་འཕགས།། དེ་ལ་མཐའ་ནི་མ་མཆིས་སོ།། བྱང་ཆུབ་སེམས་ནི་ཅི་འདྲ་བ།། དྲང་སྲོང་མཆོག
347a6 གིས་བསྟན་མཛད་པ། ། དེ་འདྲའི་མཆོད་པ་གཞན་མ་མཆིས།། དཔལ་ཡང་གཞན་ནི་མཆིས་མ་ལགས།། སྨན་གྱི་དམ་པ་ནད་མ་མཆིས།། བྱང་ཆུབ་སེམས་ནི་ཡོན་ཏན་ལྡན།། ནད་ཀུན
347a7 རབ་ཏུ་ཞི་བར་བགྱིད། ། སེམས་ཅན་ཐམས་ཅད་བདེ་བར་བགྱིད།། མི་གསུམ་དག་གིས་གདུངས་པ་ཡི།། སེམས་ཅན་སྡུག་བསྔལ་མཐོང་ནས་ནི།། བསྐལ་པ་དཔག་ཏུ་མེད་པར་སྤྱོད།། མཁས་ནས།
iiif viewer powered by OpenSeadragon
