| e-texts navigator |
| Wylie |
346b1 བྱེད།། ཉེས་པ་འདི་དང་གཞན་ཡང་དཔག་མེད་དེ།། དེ་ལྟས་ཁྱིམ་ནི་ཡོངས་སུ་བར་བྱ།། འདྲེན་པ་རྣམས་ཀྱི་བསྟན་ལ་དཀའ་བྱེད་པ།། མ་བདབ་མ་རྨོངས་བདེ་དང་ཡིད་འདེའི་ཆུ།། རྫུན།
346b2 བསྔལ་མང་པོའི་རྩ་བ་ཁྱིམ་འདི་ལ།། བླུན་པོ་དགའ་ཡི་མཁས་པ་གཞར་མི་དཀའ།། པགས་པ་ཆུ་རྒྱུས་ཤ་དང་རུས་པའི་ལུས།། འདི་ནི་ང་ཡི་ཆུང་མ་འདུ་ཤེས་བསྐྱེད།། བྱིས་པ་རྨོངས་པ་འདོད་ཆགས
346b3 སྐྱེད་པར་བྱེད། ། བུད་མེད་སྒྱུ་མ་ལྟ་བུར་ཡོང་མ་ཤེས།། ཤེས་རབ་ལྡན་པས་ཁྱིམ་གྱི་ཉེས་རིག་ནས།། དེ་ཕྱིར་འདོད་པའི་དགའ་བ་ཀུན་སྤངས་ཏེ།། ཆོས་ལ་སྨན་གྱི་འདུ་ཤེས་བཞག་བྱས་ནས།། མ
346b4 ཆགས་ཁྱིམ་ནས་མྱུར་དུ་འབྱུང་བར་བྱེད། ། དེ་ནས་ཁྱིམ་བདག་དཔའ་བྱིན་དང་། ཁྱིམ་བདག་ལྔ་བརྒྱ་ཙམ་དེ་དག་གིས་ཆོས་ཀྱི་རྣམ་གྲངས་འདི་ཐོས་ནས་མི་སྐྱེ་བའི་ཆོས་ལ་བཟོད་པ་ཐོབ
346b5 པར་གྱུར་ཏོ། ། དེ་དག་བཟོད་པ་ཐོབ་ནས་མཆོག་ཏུ་དགའ་བ་དང་མགུ་བར་གྱུར་ཏེ། དེའི་ཚེ་ཚིགས་སུ་བཅད་པ་འདི་དག་གསོལ་ཏོ།། སངས་རྒྱས་ཆོས་ལ་འདོད་གྱུར་ནས།། གང་དག་གིས་ནི་སེམས
346b6 བསྐྱེད་པ། ། ཀྱེ་མ་རྙེད་པ་རྙེད་པ་ཆེ།། འདི་ནི་རྙེད་པ་ཀུན་གྱི་མཆོག། བྱང་ཆུབ་སེམས་ནི་དགའ་བ་སྟེ།། སེམས་ཅན་ཐམས་ཅད་བདེ་བགྱིད་པའི།། སེམས་འདིར་སུ་དག་དགའ་བསྐྱེད་པ།།
346b7 དེ་དག་འཚོ་བ་ལེགས་པར་འཚོ།། སེམས་ཅན་ཀུན་ལ་ཕན་བགྱིད་པའི།། སེམས་འདི་གང་དག་བསྐྱེད་གྱུར་པ།། དེ་དག་སེམས་ཅན་ཐམས་ཅད་དགའ།། དེ་དག་མཐོང་ནས་དགའ་བར་འགྱུར།།
iiif viewer powered by OpenSeadragon
