| e-texts navigator |
| Wylie |
345b1 རོ་མྱོང་བྱེ་བ་སུ་ཡོད་ན།། འདི་དག་ཅི་ཕྱིར་ཁྱིམ་ནི་སྤོང་མི་བྱེད།། འདྲེན་མའི་ལས་ཀྱིས་ལོངས་སྤྱོད་ཚོལ་བྱེད་ཅིང་།། བུ་དང་དེ་བཞིན་ཆུང་མ་གསོ་བར་བྱེད།། ཤིན་དུ་སྡུག་བསྔལ་གྱུར
345b2 པ་དེ་དུས་ན། ། བུ་དང་ཆུང་མ་སྐྱབས་སུ་འགྱུར་མ་ཡིན།། ཇི་ལྟར་སྣ་ཚོགས་ལས་བྱས་བླངས་པ་བཞིན།། བུ་དང་ཆུང་མ་དག་ཀྱང་འདོང་པར་འགྱུར།། བདག་ཉིད་གཅིག་པུས་སྡུག་བསྔལ་མྱོང
345b3 པར་འོང་། ། དེ་དག་དེ་ཚེ་བདག་གི་སྐལ་མི་ལེན།། མི་ངན་རྣམས་ཀྱིས་བདེ་ཕྱི་དེ་དག་བླངས།། འདི་ནི་དེ་དག་སྡུག་བསྔལ་མྱ་ངན་འགྱུར།། སྲིད་གསུམ་འཇིགས་པ་འདི་ན་བཤེས་ཀྱང་མེད།། དེ
345b4 བཞིན་བུ་དང་རུང་མ་རྩ་ལག་མེད། ། ཕ་མ་སྤུན་དང་བུ་དང་ཆུང་མ་དང་།། བྲན་དང་ནོར་དང་རྩ་ལག་ཚོགས་ཀྱི་རྣམས།། ཤི་བའི་གཤིན་ཕྱིར་དེ་དག་འགྲོ་བ་མེད།། ལས་རྣམས་རྗེས་སུ་འབྲང་ཞིང
345b5 བྱིས་པ་འགྲོ། ། ལས་ནི་རྗེས་སུ་འབྲང་ཞིང་མི་ཀུན་འདོང་།། ལས་ཀྱི་གནས་པའི་འཇིག་རྟེན་རྣམས་སུ་རྒྱུ།། སྐྱེ་འདི་ལས་ཀྱི་བདག་ཉིད་རིག་གྱུར་ནས།། མཁས་པ་དག་ནི་དགེ་བའི་ལས་རྣམ
345b6 བྱེད། ། མནར་མེད་སོང་ཆེ་དེ་དག་སྐྱབས་མིན་པས།། པ་མ་སྤུན་དང་སྙིང་སྡུག་པུ་རྣམས་དང་།། རྩ་ལག་ཉེ་དུ་སྣག་གི་གཉེན་མཚམས་དང་།། དེ་དག་ཚད་དུ་མཁས་པ་སྡིག་མི་བྱེད།། ལས
345b7 དེ་ཡོངས་སུ་ཟད་པ་མ་གཏོགས་པར། ། རབ་ཏུ་མི་བཟད་འཇིགས་ལ་མི་མི་འགྲོལ།། དེ་ཕྱིར་སྡིག་པས་འཇིགས་པའི་མི་རྣམས་ཀྱིས།། བསྒོམས་ཏེ་སྡིག་པ་ཡོངས་སུ་མ་བར་བྱ།། །
iiif viewer powered by OpenSeadragon
