| e-texts navigator |
| Wylie |
335a1 གླང་པོ་ཆེ་དང་། རྟ་དང་། རྔ་མོ་དང་། ར་ལུག་དང་། བ་གླང་མངབ། བྲན་པོ་དང་། བྲན་མོ་དང་། ལས་བྱེད་པ་དང་། ཞོ་ཤས་འཚོ་བ་མང་བ། དབྱིག་དང་།
335a2 གསེར་དང་། ནོར་བུ་དང་། མུ་ཏིག་དང་། བཻ་ཌཱུཪྻ་དང་། དུང་དང་། མན་ཤེལ་དང་། བྱུ་རུ་དང་། ས་ལེ་སྦྲམ་དང་། དངུལ་མང་འ་ཞིག་གནས་པ་དེ། ཁྱིམ་བདག་ལྔ་བརྒྱ་ཙམ་དང་ལྷན་ཅི
335a3 ཏུ་འདུས་ཏེ་འདུག་པར་གྱུར་ཏོ། ། དེ་དག་འདུས་ཏེ་འཁོད་པའི་ཚེ། བར་སྐབས་སུ་འདི་ལྟ་བུའི་གཏམ་བརྗོད་དེ། ཀྱེ་གྲོགས་པོ་དག་སངས་རྒྱས་འབྱུང་བ་རྙེད་པར་དཀའ། མིར་སྐྱེ་བ་རྙེད
335a4 བར་དཀའ། དལ་བ་ཕུན་སུམ་ཚོགས་པ་རྙེད་པར་དཀའ། དེ་བཞིན་གཤེགས་པའི་བསྟན་པ་ལ་དད་པ་རྙེད་པར་དཀའ། རབ་ཏུ་འབྱུང་བ་རྙེད་པར་དཀའ། དགེ་སློང་གི་དངོས་པོ་རྙེད་པར་དཀའ
335a5 ནན་ཏན་བྱེད་པ་རྙེད་པར་དཀའ། སེམས་ཅན་གང་དག་བྱས་པ་གཟོ་ཞིང་། བྱས་པ་ཤེས་ལ། གང་དག་བྱས་པ་ཆུང་ངུའང་ཆུད་མི་གཟོན་ན། མང་པོ་ལྟ་ཅི་སྨོས་ཏེ། དེ་དག་རྙེད་པར་དཀའ།
335a6 བས་ཀྱང་སེམས་ཅན་གང་དག་དེ་བཞིན་གཤེགས་པའི་བསྟན་པ་ལ་ཡིད་ཆེས་པ་དེ་དག་ཆེས་རྙེད་པར་དཀའ། དེ་བས་ཀྱང་སེམས་ཅན་གང་དག་དེ་བཞིན་གཤེགས་པའི་བསྟན་པ་ལ་ཡིད་ཆེས་ནས།
335a7 ནན་ཏན་གྱིས་སྒྲུབ་པ་ཆེས་རྙེད་པར་དཀའ། དེ་བས་ཀྱང་སེམས་ཅན་གང་དག་དེ་བཞིན་གཤེགས་པའི་བསྟན་པ་ལ་མཛེས་པ་དེ་དག་ཆེས་རྙེད་པར་དཀའ། འཁོར་བ་ལ་གྲོལ་བ་རྙེད་པར་དཀའ་ན།
iiif viewer powered by OpenSeadragon
