| e-texts navigator |
| Wylie |
333b1 ཅད་དང་ལྡན་པའི་འཁོར་གྱིས་ཀྱང་རང་རང་ནི་ཐོས་རྣམས་རིགས་ཀྱི་བུ་ངས་པ་ལ་བཀང་བོ། ། ཚོང་དཔོན་དང་། ཁྱིམ་བདག་དང་། བྲས་ཟེ་བརྒྱ་ཕྲག་མང་པོ་དག་ཀྱང་རབ་ཏུ་བྱུང་།
333b2 དེ་ནས་བཅོམ་ལྡན་འདས་ལ། ངེས་པས་འདི་སྐད་ཅེས་གསོལ་ཏོ།། བདག་ཀྱང་ལེགས་པར་གསུངས་པའི་ཆོས་འདུལ་བ་ལ་རབ་ཏུ་དབྱུང་བར་གསོལ། དེ་ནས་བཅོམ་ལྡན་འདས་ཀྱིས་རིགས་ཀྱི་བུ་དེས
333b3 པའི་མགོ་བོ་ལ་ཕྱག་གིས་བྱུགས་སོ། ། བཅོམ་ལྡན་འདས་ཀྱིས་རིགས་ཀྱི་བུ་དེས་པའི་མགོ་བོ་ལ་རེག་མ་ཐག་ཏུ། གོས་ངུར་སྨྲིག་བགྲོ་ཤིང་དགེ་སློང་དུ་སྣང་བར་གྱུར་ཏོ།། དེ་ནས
333b4 བཅོམ་ལྡན་འདས་ཀྱིས། ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ།། ཀུན་དགའ་བོ་སྙིགས་མ་ལྔ་པོ་དུས་ཀྱི་སྙིགས་མ་དང་། སེམས་ཅན་གྱི་སྙིགས་མ་དང་། ཞིང་གི་སྙིགས་མ
333b5 དང་ཚེའི་སྙིགས་མ་དང་། ཉོན་མོངས་པའི་སྙིགས་པའི་དུས་སུ་ང་བྱང་ཆུབ་མངོན་པར་རྫོགས་པར་སངས་རྒྱས་ནས། དེར་ངེས་པས་ཇི་ལྟར་འདུལ་བ་ལས་རྣམ་པ་གཞན་གྱིས་གདུལ་བར་མི་བྱའོ།།
333b6 ཀུན་དགའ་བོ་ང་ནི་འཇིག་རྟེན་གྱི་ཁམས་མི་མཇེད་དུ་སངས་རྒྱས་ཀྱི་འདུལ་བས་སེམས་ཅན་རྣམས་འདུལ་བར་མི་བྱེད་ཀྱི། ཀུན་དགའ་བོ་ང་ནི་ངན་ཅིང་དབུལ་བ་དང་། ངན་འགྲོའི་འཇིགས་པས
333b7 བསྡིགས་པས་སེམས་ཅན་རྣམས་འདུལ་བར་བྱེད་དོ། ། ཀུན་དཀའ་བོ་གལ་ཏེ་འཇིག་རྟེན་གྱི་ཁམས་འདིར་ངས་སངས་རྒྱས་ཀྱི་ཡུལ་གྱིས་ཆོས་བསྟན་ཅིང་། སངས་རྒྱས་ཀྱི་ཡུལ་ཉེ་བར་བརྟན
iiif viewer powered by OpenSeadragon
