| e-texts navigator |
| Wylie |
332b1 ཤིན་དུ་བསྡམས་ཤིང་ནེས་ནུར་ཅན་ལ་བྱམས་སེམས་ལྡན། ། སེམས་ཅན་ཀུན་ལ་བདག་དང་འདྲ་བར་སྡུག་པར་ལྟ།། སྐྱོན་ལ་མི་ལྟ་འཁྲུལ་པ་དག་དང་ལྡན་པ་ཡིན།། ཇི་ལྟར་བསྟན་པ་བཞིན་དུ
332b2 བསྒྲུབ་པ་རྣམས་ལ་གནས། ། འདི་ནི་ཇི་སྐད་སྦ་བ་བཞིན་དུ་སྤྱོད་པ་བྱེད།། ཆོས་ཉིད་ལ་ནི་ཆོས་ཀྱིས་ཚུལ་གྱིས་ལེགས་པར་བསླབས།། སྟོང་པ་ཉིད་ལ་མོས་ཤིང་གཉིས་ལས་རྣམ་པར་གྲོལ།། བརྗོད
332b3 པ་གསུམ་ཐོབ་སྐྱེ་བའི་སྤྱོད་ཡུལ་མ་ཡིན་ཏེ། ། སངས་རྒྱས་ཚུལ་དང་ཡོན་ཏན་དག་ལ་རབ་ཏུ་གནས།། འདི་ནི་འཇིག་རྟེན་གང་དུ་རྒྱུ་བ་བྱེད་པ་ན།། དེར་ནི་ཀྱེ་བོ་མང་པོ་རྣམ་པར་གྲོལ་བར་བྱེད།། སངས
332b4 རྒྱས་ཀྱི་ནི་སྲས་འདི་གང་དུ་གནས་པ་དེར། ། དེ་བཞིན་གཤེགས་པས་ཡུལ་ནི་སྟོངས་པ་མ་ཡིན་ཏེ།། དེ་ལ་ལྷ་དང་བཅས་པའི་འཇིག་རྟེན་མ་ལུས་པས།། ཇི་ལྟར་སངས་རྒྱས་བཞིན་དུ་འདི་ལ་གུས་པར་གྱིས།།
332b5 ང་ནི་མྱ་ངན་འདས་ནས་ཉམས་པའི་དུས་བབ་ཚེ།། ངེས་པ་འདི་ནི་སངས་རྒྱས་སྤྱོད་པ་སྤྱད་ནས་ཀྱང་།། སྔོན་ཆད་གནས་པ་མངོན་པར་དགའ་བའི་འཇིག་རྟེན་ཁམས།། མི་འཁྲུགས་འཇིག་རྟེན་ཉིད་དུ་ཕྱིར་ཡང
332b6 འགྲོ་བར་འགྱུར། ། བརྟན་པོ་སྲོག་ཆགས་རྣམས་ལ་ཕན་པར་བྱ་བ་དང་།། ཞིང་གི་འབྱོར་པ་དག་ནི་ཡོངས་སུ་བཙལ་བ་དང་།། བྱང་ཆུཆུ་ནི་སེམས་ཅན་ཡོངས་སུ་སྨིན་བྱའི་ཕྱིར།། བསྐལ་པ་གྲངས་མེད
332b7 གསུམ་དུ་སྤྱོད་པ་སྤྱོད་པར་བྱེད། ། དེ་ཡི་འོག་ཏུ་དེ་ནི་སྐྱོབ་པ་རྒྱལ་བར་འགྱུར།། མིང་ནི་འཇིག་རྟེན་རྒྱལ་པོ་དབང་ཕྱུག་ཅེས་ཀྱང་བྱ།། དེ་བཞིན་གཤེགས་པ་མི་འཁྲུགས་པ་ཞེས་བྱ་བ་ཡི།། ཞིང་དང་འ
iiif viewer powered by OpenSeadragon
