| e-texts navigator |
| Wylie |
332a1 ཞུགས་བརྟན་པ་དང་། ཟགས་པ་རྒྱ་ཆེན་དག་གི་བསམ་པ་ཁྱབ་བྱས་དང་།། བྱང་ཆུབ་ཡོན་ཏན་གནས་པའི་སྤྱོད་པ་ཅི་འདྲ་བ།། ངས་ནི་ཁྱོད་ལ་བཤད་ཀྱིས་ཀུན་དག་ཁྱོད
332a2 ཉོན་ཅིག། འདི་ན་རྒྱལ་ལ་མཆོད་མཆོག་ཕྱིར་ནི་གུས་བྱེད་ཅིང་།། དམ་པའི་ཆོས་ནི་བསྲུང་ཕྱིར་རབ་ཏུ་བརྩོན་བྱེད་པ།། ངེས་པ་ཡི་ནི་སྤྱོད་པའི་རྣམ་པ་གང་ཡིན་པ།། དེ་དག་འདིར་ནི་བགྲང་བར་ནུས་པར
332a3 མི་འགྱུར་རོ། ། ཕ་རོལ་ཕྱིན་པ་འདི་དག་ལ་ནི་ལེགས་པར་བསླབས།། མངོན་པར་ཤེས་པ་དག་གིས་སྔན་ཆད་རྩེ་བར་བྱས།། ཚངས་པའི་གནས་རྣམས་ཀྱི་ནི་མཐའ་མར་ཕྱིན་པར་སོང་།། ཐབས་པ
332a4 མཁས་པའི་སྤྱོད་པ་དག་ལ་ལེགས་པར་བསླབས། ། འདིར་ནི་དེ་ཡིས་འདུས་བྱས་སྐྱོན་རྣམས་ལེགས་པར་མཐོང་།། སངས་རྒྱས་བྱང་ཆུབ་ཀྱང་ནི་མངོན་སུམ་གྱུར་པར་བྱས།། འདིས་ནི་སེམས་ཅན་རྫ
332a5 ལྷ་ཇི་ལྟར་ཐར་གྱུར་པའི། ། རྣམ་པར་སྨིན་པའི་མཚན་ཉིད་ལ་ཡང་ལེགས་པར་བསླབས།། འཇིགས་པ་མེད་ཅིང་བློ་དང་རྟོགས་དང་དྲན་དང་ལྡན།། སྤོབས་པ་དང་ནི་གཟུངས་རྣམས་དང་ཡང་ལྡན
332a6 པ་སྟེ། བདུད་ཀྱི་ལྕགས་རྒྱ་ཉོན་མོངས་རྫབ་ལས་ངེས་བྱུང་ཞིང་།། སངས་རྒྱས་སྤྱོད་ཡུལ་དོན་ཆེན་ལ་ནི་རབ་ཏུ་གནས།། འཇིག་རྟེན་ཆོས་རྣམས་མང་པོ་དག་གིས་མ་གོས་ལ།། ཆགས་པ་ལ་སོགས
332a7 རྣམས་ཀྱིས་བྲག་ལྟར་ཡོངས་མི་གཡོས། ། སུ་ཡི་དྲུང་དུ་མི་འགྲོ་རིང་དུ་བྱེད་པའང་མིན།། ནམ་མཁའ་ལྟ་བུར་བཅིངས་དང་གྲོལ་བ་མེད་པ་ཡིན།། སྙི་རྗེས་གནས་ཤིང་སེམས་ཅན་ཡོངས་སུ་སྐྱོ་བ་མེད
iiif viewer powered by OpenSeadragon
