| e-texts navigator |
| Wylie |
331a1 པ་ཅི་འདྲ་བ་དེ་ལས་འབུམ་གྱུར་པས་ཀྱང་ཅེས་ལྷག་པར་གྱུར་ཏོ། ། དེ་ནས་སྒྲའི་བུ་དེ་དག་ཡ་མཚན་དུ་འཛིན་པར་གྱུར་ཏེ། ངེས་པ་ལ་མེ་ཏོག་དག་གིས་གདོར་ཏོ།།
331a2 དེ་ནས་བཅོམ་ལྡན་འདས་ཀྱིས། རིགས་ཀྱིས་བུ་ངེས་པ་ལ་བཀའ་སྩལ་པ། ངེས་པ་གང་གི་ཚེ་བྱང་ཆུབ་སེམས་དཔའ་རྡོ་རྗེ་ལྟ་བུའི་མཐུ་ལ་གནས་པའི་ཚེ་འང་། སེམས་ཅན
331a3 ཡོངས་སུ་སྨིན་པར་བྱ་བའི་ཕྱིར་དམན་པར་སྟོན་ཅིང་དམན་པའི་མཐུ་ལ་གནས་ཀྱང་། སེམས་ཅན་ཡོངས་སུ་སྨིན་པར་བྱ་བའི་ཕྱིར་མཆོག་ཏུ་སྟོན་པར་བྱེད་པ་འདི་ནི་དེའི་ཀོད་པ་ཡིན་ནོ།།
331a4 ཡེ་ཤེས་ལ་གནས་ཀྱང་མི་ཤེས་པར་སྟོན་ཅིང་། མི་ཤེས་པར་སྟོན་ཀྱང་ཤེས་པར་སྣང་བ་འདི་ནི་དེའི་བཀོད་པ་ཡིན་ནོ།། ཡེ་ཤེས་མ་ཐོབ་པ་རྣམས་ལའང་ལུས་ཀྱི་སྤྱོད་པ་དང་།
331a5 སྤྱོད་ལམ་གྱིས་དད་པ་སྐྱེད་པར་བྱེད་ཅིང་། ཡེ་ཤེས་ཐོབ་པ་རྣམས་ལའང་སྤྱོད་པ་ཐམས་ཅད་ཡང་དག་པར་སྟོན་པས། རྫུ་འཕྲུལ་སྟོན་པར་བྱེད་པ་འདི་ནི་དེའི་བཀོད་པ་ཡིན་ནོ།། རྟག་ཏུ
331a6 སེམས་ལ་དབང་བྱེད་པས་ངན་ཅིང་དབུལ་བར་སྟོན་ཀྱང་། ཚངས་པས་ཀྱང་མཆོད་པ་དང་། མཆོག་གི་བཀོད་པ་ལ་གནས་ཀྱང་སྐྱེ་བོ་ཕལ་གྱིས་ཀྱང་མཆོད་པ་འདི་ནི་དེའི་བཀོད་པ་ཡིན་ནོ།།
331a7 སེམས་ཅན་བསྡུ་བའི་ཕྱིར་ངན་ཅིང་དབུལ་བར་ཡང་གེ་བར་སྔོན་ལ། སེམས་ཅན་རྣམས་ལ་མངོན་པར་འབྱུང་བ་བསྐྱེད་པའི་ཕྱིར་ལོངས་སྤྱོད་རྒྱ་ཆེན་པོ་དང་ལྡན་ཡང་མངོན་པར་འབྱུང་བསྔོན
iiif viewer powered by OpenSeadragon
